Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Pars generalis
14 dis quaelibet ecclesia germanica civitatensis, duobus ministris praedita, duo, reliquae, sive in districtu, sive in liberis regiisque civitatibus reperiendae, singulae unum votum habeant, hac tamen declaratione facta, ut domini nobiles tum districtuales, tum civitatenses, prout et verbi divini ministri, singuli suo voto fruantur. 4) Saepius memoratae liberae regiaeque civitates constanter tum etiam, cum in gremio earum sedem suam habiturus est superintendens, suo gaudebunt seniore, dependente tamen a suo superintendente, qui per regias liberasque civitates eligendus erit, electusque obvios judicatum ejus concernentes casus, ad normam et imitationem reliquorum contuberniorum decidet. Emergente vero casu, quo idem senior cum suo contubernio controversum negotium componere non posset, adeoque revisioni ac decisioni superintendentis submitti deberet, ejusdem superintendentis officii et muneris erit, ubi per partes interessatas requisitus fuerit, ad unam vel alteram civitatem semet conferre et ibidem in praesentia ex liberis regiisque civitatibns, per partes convocandorum status ecclesiastici et politici commembrorum, causam investigare et decidere, quod ipsum inter districtuales quoque in casibus similibus per omnia observandum erit. 5) Candidati vero ad ministerium sufficientibus testimonialibus instructi, citra quidem academicorum respectum, admittendi erunt, ad praevium tandem accuratumque examen, juxta scripturam sacram et libros symbolicos, quoad doctrinam et vitam, subeundum, taliterque etiam ad docendum obligati erunt. 6) Stipem collecturi ad studia academica properantes, sine praemisso examine testimonioque superintendentis ac seniorum non promoveantur, neque pro stipe colligenda admittantur. 7) Exercitii juris patronatus cuilibet ecclesiae, vi usus hucusque practicati, plenaria reservatur facultas, citra tamen praejudicium juris et auctoritatis superintendentis. In quorum omnium majorem fidem et robur, praesentes, ut sequitur, subscripsimus anno domini 1743. die 1. mensis maji et sequentibus.“ Ambrosius noster annis 5. officio superintendentis defunctus, fideliter sua agebat, visitatione per multos neglecta annos ecclesias in ordinem reducebat, ipsos etiam kishonthenses, qui ad montanum recesserant superintendentem, anno 1744., conventu in Kraszko habito, huic superintendentiae reconciliavit. In optimo cursu labo-
