Fabó András: Monumenta evangelicorum Aug. Conf. in Hungaria historica III.

VI. Comitatus posoniensis - Parsspecialis - Sectio I. De ecclesiis in liberis regiisque civitatibus

204

Altera comitatus hujus fraternitas, posoniensis stricte sic dicta, habebat ecclesias germanicas, slavicas : Posonium, Tyr- navia, Galgócz, Csataj, Récse, S. Georgii, Grünau, Basing, Pruck, Módra, Mischdorf, Samaria germanica, Csütörtök seu Loipersdorf, reliquae, galgócziensi fraternitati adhaerebant, quaedam szeniczensi, utpote : Lévárd, Malaczka, Pernek, Szolosznicza, S. Nicolaus.. Anno 1647. associabantur, facta secessione a superintendente danubiano, ecclesiae mosonienses, de quibus in comitatu eodem dicetur. Palatini regni auctoritate firmatis legibus haec fraternitas dirigebatur a suis senioribus, ex quibus fuere : anno 1610. Simon Heucheliu, anno 1655. M. Daniel Schmid, anno 1622. M. Joannes Jenschius, anno 1634. Josua Vegelin, anno 1640. Georgius Heuchelin, 1664. David Titius, decennali persecutione exui, omnes pastores posonienses; ultimus clausit epocham senioralcm seculi praecedentis, nostra aetate posoniensis civitatis pastores iterum conjuncti cum quatuor mo- soniensibus efficiunt posoniensem fraternitatem, reliquae octo ecclesiae existentes alteram, modrensem dictam, ut exhibent acta synodi pestiensis earum numerum.

Quae de scholis majoribus succincte dicenda supersunt, illa exposuit venerabilis Ribiny 1!. cc., quare progrediemur ad ecclesias, ob defectum protocolli fraternitatis brevissime solum commemorandas, et quidem ad ductum visitationum, quas superintendentes scriptas reliquerunt.

Pars specialis Sectio I.

De ecclesiis in liberis regiisque civitatibus.

1) Basinga.

Quoad oppidum fuisset, civiles et ecclesiasticas vicissitudines cum S. Georgio easdem habuit, ex quibus statim adferendis fata hujus clarius intelliguntur. Jam circa annum 1575. evangelici in usu templi parochialis ad portam superiorem fuerunt, docentibus eos Volfgango Ruckschlosz Johanneque Philomates; posteriori mortuo