Fabó András: Monumenta evangelicorum Aug. Conf. in Hungaria historica III.

I. Comitatus gömöriensis - Pars generalis

5

populo sibi concredito. His initiis subordinations iterum anno 1585. per illustrissimum Julium ab Herberstein praetectum muranyensem publice approbatis, firmata fuit religionis libertas, quae ad finem seculi sexti et decimi, protegentibus eandem praefectis bellicis arcis Murány, constans permanebat in hujus comitatus parte superiori. Vallis csetnekiensis quae ecclesiae calvinianorum doctrinae sensum adamabant, quoad illustrissimus dominus Stephanus Cset- neky, anno 1590. consistorii arcis muranyensis articulos subscripsisset, et quidem cum singulis in suo dominio habitantibus ecclesiarum pastoribus, conjunctio talis ut stabilis permaneat, adoptata est per gömörienses evangelicos confessio V. liberarum regiarum civitatum, olim Ferdinando I. regi exhibita, quam utraque vallis, murányensis et csetnekiensis, subscriptione anno 1594. suam efficiebat crescebatque communione pacis ad invidiam malorum. Fato infelici per decursum seculi XVII. etiam comitatus hic gemebat sub tributo turcico; ecclesiae autem in religionis exercitio utebantur summa pace, legibus regni anno 1606. attributa evangelicis. Fulciebant praesertim ecclesias, quarum numerus, inductis in filiales pastoribus, facile accrevit, successores praenobiles Csetnekiani in dominio vallis illius, maxime Bakosiani, in valle Murány ab initiis dicti seculi illustrissimus Georgius Széchy, supremus comitatus comes, et consors ejus Maria Homonnay, atque filia Maria, quoad membrum evangelicae ecclesiae fuit, aliique, quos in suis dabimus ecclesiis. Meruit porro de felicitate harum ecclesiarum et magnificus dominus Georgius Thurzo, regni Hungáriáé palatinus, qui auctoritate regni legum ecclesias comitatus hujus earumque pastore» potestate eligendi proprium superintendentem donaverat hoc diplomate :

Nos comes Georgius Thurzo de Bethlemfalva, regni Hungáriáé palatinus, judex cumanorum, necnon de Arva perpetuus, ejus- que comitatus supremus comes , serenissimi principis ac domini domini Matthiae II., dei gratia Hungáriáé, Dalmatiae, Croatiae, Sla- voniae etc. regis, designati in regem Bohemiae, archiducis Austriae, ducis Burgundiáé, inarchionis Moraviae, comiti s Tyrolis etc. consiliarius ac per Hungáriám locumtenens-, memoriae commendamus tenore praesentium significantes, quibus expedit, universis, quod requisiverunt nos debita cum instantia reverendi domini Georgius Fabricius, pastor alnoviensis, et Petrus Sextius, pastor csetnekien-