Fabó András: Monumenta evangelicorum Aug. Conf. in Hungaria historica I-II Pest 1861-1863.

II. kötet - ADVERSARIA - SECTIO I.

35

7. Acta synodorum, quae causa religionis in Hungária congregabantur. Tales erant: eperjensis, leutschoviensis, solnensis, sze- pesvárallyensis, bicsensis, rosenbergensis, cseriensis, reliquae.

8. Colloquia religiosa, qualia fuerunt csepregiense, kes- markiense et leutschoviense, ne quid de bicsensi adjiciam.

9. Libros memoriales sive protocolla et matricu- 1 a s superintendentum lutheranorum in Hungária, quibus sive ordinati ab iis, sive visitationes ecclesiarum ab iis institutae continentur.

10. Leges, statuta et protocolla contuberni- o r u m.

11. Libros ecc lesiasticos cujuslibet particularis ecclesiae.

12. Disputationes in negotio religionis et articulorum fidei institutas.

13. Librorum et tractatuum dedicationes aut iis praemissas, ut fieri solet, praefationes.

14. Cantiones veteres historicas de statu ecclesiarum evangelico-lutheranarum in Hungária.

15. Carmina, inscriptiones templorum, orationes solennes, sacros sermones in obitum virorum de ecclesia optime meritorum aut in consecrationibus templorum, altarium aut superintendentum habitos.

16. Litteras eruditorum virorum ad alios scriptas.

17. Traditiones genuinas a viris fide dignis profectas. Si his quispiam plures fontes condendae historiae commonstraverit, non tantum non refragabor, sed gratulabor vel maxime.

SECTIO I.

DE

PRIMORDIIS EMENDATAE RELIGIONIS EVANGELICAE IN

HUNGÁRIA.

§• 1Posteaquam Martinus Lutherus, theologus post hominum memoriam maximus, Germaniaeque suae Nestor et Orpheus, opposi tis an. 1517. Tetzelio, veniarum nundinatori, 95. thesibus instaurationem sacrorum feliciter auspicatus esset et theses ejus dierum

plus minus 15. spatio per universam Germaniam disseminatae at3*