Fabó András: Monumenta evangelicorum Aug. Conf. in Hungaria historica I-II Pest 1861-1863.
II. kötet - ADVERSARIA - CLASSIS III.
— 28 tivitate divi Stephani ad an. 1736- producta. Prodiit Cassoviae in fol. an. 1736.. 2. Franciscus Kazy, S. J., in Historia regni Hungáriáé, quae est continuatio Istvánfyi ab anno seculi XVII. primo, ad annum ejusdem seculi 81.. Excusus est liber Tyrnaviae an. 1737. in folio. 3. Anonymus in Fragmentis hungaricae historiae ab an. 1663. ad an. 1677., quae duobus tomis comprehensa prodiere Cassoviae an. 1739. et iterum an. 1741. in 12.. In posteriore tomo rerum ecclesiasticarum largior seges est, nec inutilis futurus erat labor, si autor Fragmentorum a calumniis et anilibus fabulis se abstinuisset, de quibus cum saepe numero erit dicendi locus, hic ea cum taedio lectoris percensere necessum non existimavi. Unicam hoc ad conciliandam lectoris fidem adjicio. Cum quidam bonus vir aliena reipublicae tempora accusaturus, in multis romano-catholicis templis passeres nidulari et hirundines stridere scripsisset: autor Fragmentorum eum refutaturus ad an. 1672. pag. 285. scribit: nos autumare, sive homines exe- crentur deum, sive ad implorandam ejus opem vertantur, perinde foedum eos consciscere facinus, adeoque nihil interessé, in templis, an in sylvis strideant passeres. Rideant omnes non scribentem, sed calumniose stridentem Fragmentorum compilatorem, cum nos evangelici, quod omnes norunt, templa deo dedicata religiose habeamus , quotidie bis adeamus, qui deum execrantur, eos ex praescripto legis severissime puniamus et in adversitatibus ad solum deum implorandae liberationis gratia cum omni pietate et fiducia confugiamus. Toti praeterea Hungáriáé notum et exploratum est, multa in possessione romano-catholicorum reperiri templa, quae statis tantum intra annum temporibus, et quidem rarissime frequentant et eo ipso non minus hirundinibus stridendi, quam passeribus nidulandi opportunitatem relinquunt. 4. Otia Báchmegyeyana colloquio VI.-to, quae prodierunt an. 1733. in 8. Tyrnaviae. Scriptum, quod bona fide adfirmo, barbarum, mendax et propter continuas calumnias iniquissimum. Uti Otia haec ab otioso potatore Báchmegyeyo, rerum ecclesiasticarum et legum patriae ignarissimo, elaborata fuisse non credo: ita impotentis animi oportuit fuisse autorera, qui ejus nomine ea pessima fide consarcinavit. Ipse enim Báchmegyey confitetur se nullum esse theologum, levioris armaturae militem et indoctum laicum p.466.. Est autem scriptum illud a) barbarum. Facilius Augiae stabulum a quisquiliis, quam
