Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars prima
12 Claudos namque vocas, qui coelica verba sequuntur Qui puro Christum pectore et ore colunt, Idola, qui fugiunt, unum qui nomen adorant, Praesens qui Christi corpus adesse docent. At tu, qui Christum vinclis super aethera stringis, Quam merito claudus diceris esse mihi. Dum apud Thuroczienses commissam sibi utram que provinciam cum dignitate tueretur, Comes Georgius Thurzo post beatum Joh. Nostitii d) Pastoris sui obitum, non prius quievit, quam eum lateri suo adjungeret, ejusque directioni aulam suam et universam ecclesiam Bitscbensem committeret. Huc Anno 1608. delatus, ita omnium exspectationi respondit, ut non tantum Anno sequenti 29. Jan. Vener. Contubernii Trenschiniensis Senior, sed etiam in Synodo Solnensi An. 1610. in praesentia Comitum, Baronum, Magnatum et Ministerii Evangelici, Superintendens constitueretur, solenni ritu 30. Martii inauguratus. Dum se huc sublatum esse vidit, praestiti jurisjurandi memor, in eo cum reliquis duobus Superintendentibus vel maxime elaboravit, ne sub ejus directione purior Dei coetus Evangelicus pessum eat, aut emendatae religionis jacturam fecisse videatur. Hinc anno 1612. communi consilio Bitschae conveniunt, unam eandemque docendi rationem in Ecclesias inducunt et quod consultissimum fore judicaverunt, omnia ad normam Ecclesiarum Saxonicarum componunt. Hac certe occasione Lutheri Catechesin in Sia vicum transpositam Illustrissimo Proregi, ComitiGeorgio Thurzo e) ejusque conjugi Elisabethae Czobor, dedicarunt, imo ejus sum- tibus impressam, in omne sinspectioni suae subjectas ecclesias induxerunt, et quinque illos Articulos, qui in ecclesiis nostris primum d) Johannes Nostitius fuit Bitsehensis Pastor et Yen. Contubernii Tren- chiniensis Senior, a Reverendissimo Marcello Nagy, Abbate Szkalsensi et Archi-Diacono Trenchiniensi in officio Senioris An. 1599. confirmatus. e) Laudarem hac occasione, u i meruerat, insignem hunc purioris religionis vindicem, nisi id olim jam magni nominis Viri cumulatissime praestitissent. Huc retuleris Isaacum Abrahamidem Praepositum Bajmocensem et Superintendentem inPanegyri funebri Leutschoviae 1716. edita, nec non M. Je- remiam Spregelium *) Praepositum et Superintendentem Hembergensem in Solennibus Justis Comiti Georgio Thurzo Wittenbergae An. 1618. praestitis. Honorarunt haec Justa doctis carminibus Celeb. Wittenbergensium Professores, inter quos Jacobus Martini ita Thurzonem nostrum non minus erudite, quam ex vero describit:
