Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS SECUNDA ab A. 1671–1780
87 An. 1778. Christianus Generisch. Jena redux factus est rector gymnasii gömöriensis, postea vero pastoratui kesmarkiensi admotus, provinciam hanc et bene et diu ornavit. Praeter biogra- phias celebrium virorum, patria Scepusiensium et memorabilia L. R. Civitatis Kesinarkiensis edidit etiam theologiam pastoralem, Leutsch. an. 1790. excusam. Orationes item sacras plures publici iuris fecit. An. 1779. Daniel Boczko. Patria viri huius erat Deményfalva, vicus comitatui Liptoviensi adiacens, ubi an. 1751. primam conspexit lucem. Emensa tam in scholis patriis, quam Jenae studiorum palaestra, primum in ecclesia Moravian Lhota, postea in Tarnócz apud Liptovienses, qua sacrorum preco operabatur, anno vero 178G. Szarvassinum, ad Békessienses delatus, hic usque ad an. 1803. laudabili zelo sua egit. Habuit tum ecclesia haec in antistitibus suis duumviros insignes, unum Sámuelem Tessedik, nostrum Dánielem Boczko alterum, quorum uterque, et prior quidem ad oeconomiam ruralem cum ratione tractandam animos paroecorum impellens, alter scholas triviales rectius ordinans, omnia perfecit, quo ecclesia laetius effloresceret atque in dies maiora caperet incrementa. Utriusque memoria per szar- vassienses grato recolitur animo. Noster denique satur molestiarum an. 1803. muneri valedixit, Superintendentem Mart. Ila- maliar successorem naetus. Mortuus an. 1809. Erat vir litteris deditissimus, quod vel inde colligas, eum primum de typographia his in oris erigenda cogitasse, quod perfecisset certe, ni numini divino placuisset in medio conatuum spiritum viri ad beatiores sedes transferre. Egit annis pluribus Decanum Senioratus békés-banalici. Instructiones pro ludimagistris protocollis Contubernii insertae, eiusque Minervae foetus, eximiae viri in rebus scholasticis peritiae sunt testimonia. Filios reliquit tres, Dánielem , Carolina et Sámuelem, quorum postremus Peslhini ante aliquot annos est mortuus, duo vero primi adhuc superstites, ambo qua saeculares Inspectores Senioralui békessiensi cum laude praefuerunt, atque ad promovendas in his terrae plagis res evangelicas et consilio et munificentia non parum contulerunt. Edidit autem Daniel Boczko sequentia eruditionis monumenta : Rucnj kancionál 600 pjsnj obsahugjcj. W Gindf. Hradci 1783.
