Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS SECUNDA ab A. 1671–1780
84 tum VDMinister Czinkotae, unde an. 1785. Békés-Csabam accitus, ecclesiae huic integris triginta annis magna cum auctoritate praefuit, in eaque anno 1806. una cum collega Andrea Uhrin fundamenta iecit templi, inter evangelica eorum, quae in ditione austriaca exstant, maximi et splendidissimi, anno demum 1824. solenni ritu consecrati. Caelerum erat Milelz vir bene doctus, in consortio familiaris, orator disertus, qui in otiis partim litteratura , partim pomologia delectabatur. Mortuus qua ordinarius Notarius Senioratus Békés-Banatici et Comitatus Békessiensis tabulae iudiciariae assessor an. 1815. d. 4-a Febr. Michael Jankó vies. Neosolii natus, Kesmarkini et So- pronii litteris nutritus, qui postquam Jena ad lares patrios re- diisset, in gymnasio reformatorum losonczensi qua linguae theutonicae praeceptor, simul vero Conrector operabatur, ast post biennium mandato excelsi Consilii sede migrare iussus, tandem anno 1782. ad ecclesiam Felsö-Rakonczensem est ordinatus, cui, variis infaustis vicissitudinibus obnoxius, an. 1793. mense Aprili valedixit. Andreas Gyurcsek, hung, békés-csabensis. Ortus patre Summe Vdo Joanne Gyurcsek sive Georgiades, ecclesiae békés-csabensis pastore atque Contubernii pesth-békessiensis Seniore longe dignissimo, matre autem Juditha Dlhányi. Delibatis inniliis litterarum in patria, anno aetatis duodecimo missus est Nagy-Körössinum addiscendae linguae magyaricae causa, mox Eperiessinum expeditus grammalico-syntactica didicit sub Job. Hrabovszky et Samuele Meczner. Germanicam linguam notiorem sibi reddidit Leutschoviae Joanne Topperczero praecep- t tore usus. Leutschovra Eperiessinum rediit in philosophico-theo- logicis fidelem docentem naclus Joh. Karlovszkyum. Obtentis salvi commeatus litteris Jenám venit, ubi viros celeberrimos Danovium, Griesbachium, Videburgium et alios integro biennio sedulo auscultabat. Reversus aliquandiu patrem seniculum inmu- niis sacris sublevabat, eo autem vita excedente per ecclesiam békés-csabeusem pro secundario VDMinislro est electus atque muneri huic Schemnicii an. 1780. d. 14. Dec. initiatus. Praefuit ecclesiae esabensi annis octodecim, anno nimirum 1798. d. 7-a Dec. ex inflammatione cerebri coelebs mortuus. Conseniorem contubernii békés-banatici egit. Joannes Klanicza. Patriae redditus primum Conre- ctoris kesmarkiensis provincia fungebatur, mox tamen per August. Josephum II. visitator scholarum creatus, politicum vitae genus est amplexus. Factus postremo Comitatus Torontaliensis Vice-Comes et Senioratus Békés-Banatici saecularis Inspector.
