Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS SECUNDA ab A. 1671–1780
65 phűm II. imperatorem Archivo regnicolari praefectus, et caes. regii bibliothecarii officio admotus Budam migravit, sed antequam provinciam hanc adire liceret, Budae ex paralysi cordis repente obiit An. 1785. Panegyrim viri ut et libros per eum editos, uberius exposuit Horányi I. 276. II. 403. An. 1751. Joh. Se veri ni. Saeculum XVIII. in producendis viris, qui antiquitatibus palriae explanandis institerunt, ita fuit ferax, ut si aetates singulas, iuxta diversa scientiarum genera, quae in iis per viros eruditos praecipue excolebantur, adpellare libuerit, aevum hoc merito „saeculum historicorum“ nominaverimus. Cui nostrum, queso, ignotus est Georg. Pray, Belius uterque, Gabriel Hevenessy, Samuel Timon, Joh. Thomka-Szaszky , Godofr. Schwarcz, Carolus Péterffy, Jeremias Haner, Petrus Bod, Paulus Ember, Steph. Katona, Carolus Palma, Joh. Adamus Kollár, Joh. Christ. Engel, et toto illa sancta societas virorum, quorum Wal- laszky pag. 340 et sequ. meminit? quos omnes saeculum hoc orbi litterario donavit et qui iunctis quasi manibus antiquitates patrias illustrare, recondita in medium protrahere, tenebris obruta illuminare, oblivioni tradita revelare, pertinaci studio, perdia et pernocti contentione intendebant. In hac virorum magni nominis corona praecipuum locum sibi vindicat nomen Joh. Se- verinii. Ornavit is natalibus vicum Alsó-Szlregovam, Comitatui Neogradiensi ingremiatum, anno 1716. luci donatus. Patrem habuit Joannein, matrem Dorotheam Lányi. Priore mature orbatus, curaeque matris, morbo caduco obnoxiae traditus, dura admodum usus est adolescentia. Litteras tractare coepit partim in loco nativitatis, partim in Hársas-Terény, sed pessima docendi methodo exagitatus easdem mox reliquit atque rei rusticae dedit operam et valedixisset sane in perpetuum Musis, eo magis, quod morbus animi ex dolore capitis, in pueritia fulmine tacti, ortus, gravius identidem recurrebat, nisi Samuel Fábry, bankensium pastor, eminentia animi dona videns, puerum ad studia ulterius tractanda assidue instigasset. Eo igitur auctore traditus est per sollicitam matrem primum quidem ferulae Sam. File de Or in Ud- varnok, postea Andreae Farkas in Kis-Zellö, cujus optimi praeceptoris dexteritate praecipue ad litterarum amorem est reductus. Studuit postea Neosolii sub Weigelio, Sopronii sub Dan. Hajnóczio, Posonii sub Frid. Guil. Beer, hoc vero pasloratui admoto, praeceptorem nactus est Joannem Thomka-Szaszky, historiographum celeberrimum, qui nostro etiam Joanrii, quem singulari complectebatur benevolentia, historiae instillavit amorem. 5
