Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.

PERIODUS SECUNDA ab A. 1671–1780

56

pora 235 Hungaros et 145 Transsylvanos litteris incubuisse. Meliori nos certe iure Jenám almam matrem nationis hungarae dixerimus, in qua nimirum usque ad quem vivimus, annum 1233 Hungari et 651 Transsylvani animis suis salubrem repererunt escam.

Bartolom. Klein, sopron. Patre Joanne, organoedo wagendriisslensi natus. In patria fundamenta litterarum iecit, anno vero aetatis 12-ino Eperiessinum missus, humaniora, quae vocamus, absolvit. An. 1730. Posonium concessit, usus institutione Frid. Guil. Beer triennio,a quo Jenám translatus, aeque triennio litteras academicas tractavit. Reversus egit pastorem germanicum Cibinii, ordinibus sacris an. 1737. die 10. Maii susceptis.

David Ta tran i.

Michael Klein, frater Bartolomaei superius laudati, an. 1712. natus. Studuit una cum fratre Eperiessini et Posonii atque una cum eodem et Jenám venit et Jena domum rediit. Primum Bartphae, dein Cremnicii, postremo Posonii gregem Domini non inglorius pavit. Auctor sequentium :

1. Sammlung merkwürdiger Natur-Seltenheiten des Königreichs Ungarn.

2. Süsse Milch. Poson. 1763.

3. Neueingerichtetes ABC-Buch. Ibid. 1763.

4. Rechnungstabellen. Ibid. 1751.

5. Catechetische Heils-Ordnung. Vratisl 1752. Opus adolescentibus, antequam ad usum sacrae coenae admitterentur, instituendis destinatum, quod tamen acerbos nimis auctori tulit fructus; in quo nimirum cum nonnulli, in scirpo nodum quaerentes calumnias religionis dominantis se invenisse opinarentur, id efFecerunt, ut auctor ab officio amoveretur, quo tandem post aliquot annos est redonatus. In hoc fortunae discrimine concinnavit :

6. Ein in den Mühseligkeiten des menschlichen Lebens gesammelter Liederschatz. Opus ad alendos sensus pios exci- tandamque firmam in Deum fidem aptissimum Prodiit Posonii 1756. aliquot tabulis aeneis ornatum.

In manuscripto reliquit orthographiam linguae theutoni- cae et Geographiam in usus studiosae iuventutis. Habuit filium Joh. Sámuelem, pastorem cassoviensem, auctoremque libri : „Nachrichten über die Lebensumstände evang. Pfarrer in Ungarn.“ Lipsiae et Budae an. 1789. thomis duobus editi, cuius manuductione nos in concinnandis praesentibus biographiis sparsim usos fuisse, recognoscendum habemus.

i