Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS PRIMA ab A. 1557–1671
16 Wolfg. Andr. Scherscheiferus, Sempron. Jonas Henricus, Rosenberga. Hung. Studiis Jenae et Vittebergae imbutus, factus est pastor ecclesiae Semproniensis teste Ivleinio 1. c. II. 171. Jacobus Zabelerus, Barifa pannon. Natus an. 1639 patre Jacobo, cive bartfensi praecipuo, avo autem cel. Petro Za- belero, pastore primario leutschoviensi et omnium primo 5 liber, reg. Civitatum superioris Hungáriáé superattendente, in synodo Szepesvárallyensi an. 1614 electo, anno vero 1645 d. 22 Sept. mortuo. Litteris imbutus est noster Jacobus Bartphae sub Mart. Pfeifero, Eperiessini sub Büringero, in oppidis Liszka et Patak, ubi idioma hungaricuin tractavit, iterum Bartphae, denique Jenae, ubi inter caeteros Christ. Chemniczium et Joh. Ern. Gerhardum duces secutus est, per quinquennium. Redux a 1664 primum Conrector, mox diaconus bartfensium creatur, ordinatus per Mart. Wagnerum, dnica Cantate ari. 1665, dum hic ven. senex iam poene in agone mortis versaretur, factus dein post fata Pfeifferi et Wagneri pastor primarius bartfensis, sed iam an. 1674 in exilium pulsus, primum Hajnae, dein Miihlbergae in Misnia substitit, ubi pluribus annis munus pastoris secundarii gessit. Hic versatus edidit: „Frommer Christen Lust und Unlust ex Fii. II. 23. Hajuae 1675, quod opus memoriae soceri sui Eliae Splenyi, iudicis bartfensis — a quo teste Székelyio in Micis Burianis familia 1. baronum Splényiana originem ducit — dedicavit. Anno 1682 restituta evang. religionis libertate, Bartfam revocatus, cum Mich. Liefmannus in exilium actus ad revocatorias ex synodali sessione an. 1683 datas redire recusaret, mortuo Philippo Heu- tschio superintendente an. 1685, etsi absque consueta, ob temporum iniuriam, soleinnitate, velut ipse apud Burium pag. 775 testatur, verum tamen pie et ordinarie noster Jacobus superintendens eligitur. Sed non fuit ei diuturna haec honoris usura, namque an. 1699 d. 30 Jan. mandato caesareo Bartfa exturbatus, una cum filio Jacobo, bartfensium diacono, per quadriennium in pagis, Bartphae vicinis, puta in Zelinan, Kukoviae et Giralthini, nec non Igloviae latitare debuit, quo tempore 45 Candidatos ministerii in sylvis, eremis aliisque solitudinibus ad sacrum hoc officium consceravit, cumque tristi hoc tempore unicus noster in Hungária exstitisset evang. A. c. Superintendens, caeteris omnibus munere privatis, ex ipsis etiam confiniis Styriae et Croatiae non pauci ad eum advolabant ministerii Candidati. Facta denique per Franciscum Rákóczy rerum conversione An. 1703Bartpham rediit, ibidem an. 1709 mortuus. Sacros ordines ab an. 1686 — 1709 quibus munus superintendentis gessit, impertivit 188 viris.
