Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.

PERIODUS TERTIA ab A. 1780–1817

115

Steph. Veres.

Joh. Csola.

Benjam. Szokolay.

Joh. Tóglássy.

Joseph. Jakab. VDMinistrum Helv. Conf. in Tefétlen et Superint. Assessorem egit.

Paulus Jozeffy. Natus in Varbócz, pago Comitatui ni- triensi ingremialo, an. 1775. die 31. Jan. patre Stephano, matre Barbara Waczula. Discere coepit in loco nativitatis, sed pessima docendi methodo excruciatus, scholam, quam maxima cum aviditate incepit, summo cum taedio frequentavit. Et valedixisset certe ulterioribus studiis, nisi hum. Andreas Zubek, qui inepto docenti successit, partim amicis consiliis, partim meliori docendi ratione eum ad disciplinas porro tractandas impulisset. Ex ludo patrio eodem docente et patrono et comite in posoni- ense delatus est gymnasium, ubi doclorem nactus cel. Mich. Tekusch . qui tam eruditione, qua insigni pollebat, quam libris ad legendum suppeditatis animum iuvenis egregie excoluit. Ab eo sub institutionem Sztrecskii, Fabrii et Sabelii, virorum omni laude superiorum, venit, finito vero hic cursu studiorum, postquam aliquandiu Darvassianae proli praefuisset, Jenám properavit, ubi biennio moratus sub manuductione virorum, theologorum et philosophorum, quos turn Jena sinu suo fovebat, doctrina clarissimorum, studia in patria coepta praestantissime ampliavit Patriae redditus ilico per Summe Rév. Sámuelem Thessedikium, szarvassiensium pastorem et instituti practico-oeconomici directorem pro coadiutore in ecclesiasticis vocatus, ordines sacros ex manu Mart. Hamaliar Superintendentis an. 1799. d. 7. Febr. accepit. Operabatur sequiori tempore maximo cum fructu qua ord. pastor Aszódini annis septem, et Czinkotae, ubi et munus Senioris pesthiensis gessit,hinc autem Taxoviam ad kis honfen- ses anno 1820. accitus, anno denique i823. d. 25. Jan in Conventu kesmarkiensi Superintendens districtus tibiscani votis ecclesiarum est renunciatus, per acadeiniam vero ienensem, olim studiorum matrem, diplomate doctoris in theologia ornatus. Obdormivit placide in Domino improlis an 1818. d. 28. Mart, quem et uxor, filia Samuelis Thessedik, post annum est secuta, Orushazae tumulo illata. Fuit vir magnae eruditionis et vere apostolicus. An prelo typographico aliquid, praeter encyclicam ad nyiregyhazenses an. 1840. datam subiecerit, nobis non constat.

Joh. Tellman.

Mich. Soltész

Ladisl. Budaházy.

8*