Fabó András: A magyar- és erdélyországi mind a két vallású evangelikusok okmánytára (Pest, 1869)

Okmányok

142

81.

Pathai István levele Kanizsai Pálfi Jánoshoz,; Veszprém, nov. 17. 1615..

(Epistola Stephani Pathai ad Joannem Pálfi Canisaeum,

17. nov. 1615..)

Gratia tibi et pax a domino per dominum nostrum Jesum Christum. Jucundas tuas literas Georgius Bisztriciensis efficaci tua commendatione gratus mihi' reddidit, in quibus scribis, studiosos Tyrnavia nondum reversos esse. Miror sane, quo infortunio tamdiu spem meam suspensam teneant; frustror undique , absentes cogere non possumus, ergo feramus, quod vitare nequimus. Si salvi redie- rint, rogo, me de reditu eorum edoceas et literas, si quas attulerint^ tuis inclusas, certo alicui ad me deferendas tradas. Negotia Geor- gii Bisztriciensis in portu constituta sunt,Moderandae nostrae scholae cura illi commissa est, donec meliora deus. De recula (Jaurini nescio quo consilio deposita) advehenda solicitus eat. Ego vero in id incumbam, ut cognoscat tuam apud me petitionem pro eo non parvum habuisse ponderis. Theses a te missas grati muneris loco a me fuisse habitas puta. Nam nihil est, quod tuo nomine gratum esse nequeat. Ad calcem literarum jubes te edoceri, num acceperim literas Kis-Boksanino ad me directas et tua industria transmissas. Mi fili, nullas accepi, avidae meae exspectationis sitim auxisti. Exspectabam enim avidissime et mirabar non mediocriter, illum tamdiu differre scribendi laborem. Unum a te vehementer peto, si me amas, prout non dubito, ut mihi eum, cui perferendum commiseras, diligenter significes, quo citius investigare et ab ingratissimo homine digna cum expostulatione eas recipere valeam. Doleo plurimum suppressas esse. Sed audi mirum et tristem nostrorum praedicatorum historiam. Martinus ille sz. gáliensis, turbatae conscientiae oestro percitus, (baéé enim, ut opinor, quiddam occulti facinoris opinione nostra majus) convenerat clam cum Andrea kupiensi, cujus et alia facinora propediem in lucem venient, et filio ipsius, ut die, ad praeconceptum facinqs tentandum ab ipsis d<fctinato, adessent currumque ad ipsum Martinum cum recula sua clam avehendum secum adveherent. Quid fit? Fures illi conducti, constituto