Szent Benedek-rendi katolikus gimnázium, Esztergom, 1887

»Ambulabunt gentes in lumine tuo, et reges in splendore ortus tui.« Isaiae c. 60. Quod honen altis emicuit polis, Lapsum tenebras pellere mentium Caliginosas, queis premuntur Terrigenae duce destituti? Linnen Leonis sideribus poli Et sole quovis splendidius nitet, Fulgore collustrans viarum, Ne titubem, decumana saxa. Condensa quaevis nubila dissecat, Lumen revelans intima cordium Artes malas auris reponit. Quin radiis Acheronta lustrat. Id lumen orbis visere confluit Eous, et quae semina parturit Tellus leonum et quam Columbus Primus ovans tetigisse fertur. Annis videntur secla recentibus Venisse — vates ut cecinit vetus — Queis vincla rerum laxet arcta Oceanus pateatque tellus Ingens neque olim nota celocibus Thuleque dici non sinat ultima Terris : at avulsi magis nunc Lumine tot populi moventur.