Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VII. Archidiaconatus Sasvariensis

VII. ARCHIDIACONATUS SASVARIENSIS

De Parochis

8. Qualiter se in templo Parochj habeant, an honeste et devote et cum aedificatione djvina peragant? Utrum, plebanj in habitu et Tonsura debite et honeste incedant?

9. Utrum Parochus habeat libros ad usum ipsius necessarios, utrum habeat Brevjarium et sj habet utrum recitet.

10. Utrum parochus non sit suspectus de fide, utpote quja non celebrat. Jejunia per Ecclesiam indicta vel claves Ecclesiae contemnat aut Haeretjcos recipiat.

De Parochjanis

11. Utrum Parochjanj bene visitent Ecclesiam, et praecipue diebus Dominjcis et festivis.

12. Utrum semel tantum in anno confiteantur Parochjanj et sumant Sacramentum Eucharistiae.

13. Utrum Parochjanj festa ab Ecclesia indjcta debite celebrent.

De proventibus Parochi

14. Qualis et quibus Parochus percipjat Proventus, et utrum pro Sacramentis Baptismatis, Poenitentiae, Eucharistiae, Matrimonij, Extremae unctionis, sepultura vel a similibus praeter solitum et ab antiquo ordinatum noviter Parochus exigere soleat?

15. De domo scholae Magistro Scholae, et ejus proventibus.

Ad primum punctum

Ecclesiam Zavodiensem existimant Parochjanj fuisse per Suos Majores aedificatam, dedjcatam vero Beatissimae Vjirgini] Mariae et S [ancto] Michaelj Ar- changelo. Seniores putant habuisse olim hanc Ecclesiam aliqua privilegia, verum quaenam et qualia fuerint dicunt sibi non constare, amissa vero esse in disturbijs Bocskajanis. Eodem tempore Ecclesia haec una cum altaribus totaliter fere vastata et djruta fuit, renovata autem et consecrata sunt tam Ecclesia quam altaria Anno 1622 per Reverendissimum D[ominum] Joannem Pyber789 tunc Varadiensem nunc autem Agriensem episcopum.

Ad 2dum

Ecclesia haec olim fuit filialis Ecclesiae Levariensis, deinde ad juncta fuerat Ecclesiae S[ancti] Georgij, nunc vero ex induito Reverendissimi D[omini] Episcopi Jaurinensis, tunc Archidiaconi Sasvariensis parochum habet proprium ad tempus. In hac Ecclesia sunt Altaria Tria. Summum mediocre restauratum, cum imaginibus sculptis B[eatae] V[irginis] Mariae et S[ancti] Michaelis Ar- changelj. In alijs altaribus nullae sunt Tabulae, sed simplices tantum imagines chartaceae.

789 Vö. 389. jegyzet

315