Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. e) Districtus Szigetköz Districtus Sziget Köz Plagam hanc vix attigere aliquando Praepositi Posonienses, et longiuscule dissitam, et duobus decurrentis Danubij alveis praepeditam. Antiqua Visitationum monumenta Ecclesia Kilitiensis meminerunt quidem: ac reliquas silentio nescio qua de causa involverunt. Hoc anno Archidiaconus Comaromiensis earum sibi Visitationem arrogabat, cui intercessi, nam liquido constat, loca haec Comitatu Posoniensi, ac proinde Jurisdictione mea intercludi. Adde in Synodo Tyrnaviae celebrata, typisque anno Christi 1629 vulgata, Lipoltfalva recenseri inter Parochias Praepositurae Posoniensi assignatas: qua de re, Parochum equidem et Parochianos commone feci. Sed haec hactenus. Kiliti. Piiski. Remete. Lipoltfalva. 1. Kiliti Kiliti Rotundum ac modicum Sacellum: murus firmissimus: fornix sublimis: antiqui alicuius fani speciem refert: Occupato a Tureis Jaurino, excubiae in eo agebantur. Sanctorum omnium nomine ac patrocinio gaudet. Sacristia semper caruit. Tabernaculum paries continet. Coemeterium sepes cingit. In supellectili nihil numerant praeter pocillum cupreum inauratum, nolam perparvam et aeneam in nudo altari pelvim. Praedicantis domus hoc loco commoda: amplum ei pratum semper annexum fuit. Stipendium flor. 60. Stola communis pro more Calvinianorum. Quorum quidem hic nidus est: Arcebant me vehementer a templo, nec intromisissent nisi nossent familiam cuius 2. 3 ve coloni, me agnoverunt: multorum enim dominorum stipendiarius pagus, etiam haereticorum. Verebantur ne templo illos spoliarem, Sacerdote (qui forte ad latus mihi fuit) inducto. Homine duri: ad finem tamen mansuefacti, plus humanitatis, qua eos viceram demonstrarunt. Aedes circiter 60. personae facile 300. Cathedrae pretium moleste ac cunctanter expromebant. 2. Piiski Piiski S[ancto] Georgio Martyri consecrata Ecclesia, vulgari opere aedificata Praedicanti concessa non est, quod fundus iuris sit Capituli Jauriensis. Ejusdem oeconomi, vulgo Decani opera renovatur. Icones super ara maiori collocatae. Fenestrae vitreae apponentur. Coemeterium sepe leviter septum, reddetur 292
