Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

VI. ARCHIDIACONATUS POSONIENSIS

Nupticijs beneprecatus, tortam butyriceam, et strophiolum reportat. Moribundum viatico recreans den. 10. Extrema unctione vix aut ne vix quidem hic aut alibi passim utuntur, nisi viri primarij. Denique quem funerat Parochus den. 12. si condonatur tantundem percipit. Cum autem funus procul abest, et tam domi ubi convenitur, quam in coemeterio iam humaturus verba facit, flor. 1. remuneratur. Est vero Parochus Octennio Michael Ugroczy723 Baynocensis quadragenarius. Brunae Rhetoricae studiosus. Simplex et apertus, attamen rei familiaris nimia diligentia laborare videtur, ut proinde fruges suis manibus messuerit: quare increpatus: caruisse se messoribus respondit. Gallinas ipsémét curat, et rem domesticam omnem administrat. Neque tamen officium divinum negligit licet aquae ac intervallum pagorum, praesertim in Bős eunti, sit magnum. Ungaricae linguae non admodum peritus, sed qui ab auditoribus intelligatur. Nobilis quidam connicijs eum affecerat ac omnes Ecclesiasticos graviter prosciderat, perfeci ut publice, scelus, expiare debuerit. Scholae Magistro Joanni Fodor, qui religionis nostrae est stipendij Parochialis pecuniae nimirum et frumenti quarta pars cedit. A funere den. 12. Paroecia 16. pagis conflatur, ac Chaloköziensibus, hoc est quibusdam minimis uti vides. In Varkony domus 28. animas 125 (non certo sed circiter dictum semper puta). Nyék totidem aedes, homines paulo plures complectitur. In Etrekarcha domus 10. animae 45. Kulchar Kalcha domus 6. animae 25. KenczelKarcha casae 2. animae 10. Mei Tejed 7. domus 30. personae. ElőTe- jed domus 13. animae 60. Kis Udvarnok domus 8. animae 40. LidenTejed 12. casae, homines 50. Nagy Mod 25. casae, homines 120. Kis Bár aediculae 5. animae 20. Peterfalva aediculae 2. animae 12. Peten domus 4. animae 18. Amadé Karcha 5. lares animae 20. Pinko Karcha 6. lares, animae 30. Denique MoriczKarcha aedes omnino 4. homines 20. Ad summam domus 166. animae 765. Cuncti fere Nobiles, sed rusticis deteriores sive mores spectes, sive aedes, aut facultates. Media pars generatim loquendo Catholica, media Cal- vinia, quae aeque in Coemeterio a Parocho tumulatur: secus enim avellerent se se a Parochia et ad vicinos haereticos deficerent. Fluenta hic et passim in insula complura, perennes nimirum ac stagnantes aquae in currum quamvis altum illabuntur. Pontes nulli, verum arena certo itinere quot annis sparsa, ut cursus a coeno liberi transire possint, quae tamen arena congeries pons vulgo vocatur. In templo vidi panem in lapidem versum: iurares panem esse, nisi duritia ac gravitate lapidis convincereris. Editum miraculum in Nyék ante annos 60. quo Deus hominem, die festo S[ancti] Jacobi Ecclesiae Patroni, panes pinsentem, integro lapidum furno in exemplum puniverat. Censum Ca- thedratici cibumque ac potum in Visitatione anni ab hinc tertij satis prompte subministraverant: hoc anno et humanitatis et obsequij debiti immemores, nihil prorsus praestiterunt.

723 Ugróczy Mihály plébános, vő. NÉMETHY 1000.

271