Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

VI. ARCHIDIACONATUS POSONIENSIS

cubulos tritici. Scholae Magistro flor. 20. frumenti 4. cubulos. Unicus Catholicus, reliqui Calvini dogma sequuntur. Omnes Nobiles ac nulla humanitate praediti. In antiquis monumentis Ilka legitur. Domus 70. altera ab altera longius distat, homines fortasse 400. Hos auscultat pagus Monialium Ujhel nuncupatus. Domorum 18, animarum 111. circiter. Cunctae haereseos labae polutae.

5. Nagyfödémes

Nagyfödémes

Cappella(!) quondam S[ancti] Michaelis Archangeli Sacra Filialis erat Joka a 40. annis iussu senioris Stephani Palfi692 separata, et postea novum paulo maius templum erigi coeptum, a tumultu Betleniano intermissum opus. Manus ad id nec dum admovent. Habetur Casula et mappae aliquod emucidae in cista ac domo Judicis: soli exposui et perpurgari curavi. Campana est unica nova. Et Parocho carent et Ludimagistro et Aedituo, quem curavi mox creari ut saltem campana sonet ad solitas preces. Biennium ferme intercessit, quod a Vicario quidam Transylvanus haud quidem Sacerdos, attamen veste Clerica indutus huic loco cum potestate praefectus fuerat, sed misere a quodam iu- vene est interfectus, quod vim ei per summum scelus inferre (ita narrant) conaretur. Hinc idem Vicarius, rursus Transylvanum adolescentem, nec dum sacris initiatum substituerat, qui nescio quando priore melior equum insignem in campo ut aiebat repertum, suo domino restituere noluit, sed in eodem turpiter profugit. Ventitabat isthuc deinde iam Parochis Szencziensis, iam Dioszegiensis. Coeterum solent cum Parocho potiuntur flor. 40. totidem- que cubulos tritici contribuere. Ligna convehere, unum et plura terrae iugera perarare. Denique praestant et illa quae a Sacramentorum et aliarum functionum administratione, praestari communiter consueverunt. Domus Parochiae denuo erecta. Schola reparationem exspectat. Insignis hic locus dolendum Parocho esse aestitutum praesertim cum multo plures coloni Lutherani sint, qui forte ad veram religionem perduci possent. Domus minimum 80. animae 400. et amplius. Loco Cathedratici aliquot nummos produxerunt.

6. Vizkelet

Vizkelet

Anno ab hinc tertio veneram isthuc Visitaturus, sed repulsum cum insigni contumelia retuli. Aderant omnes ferme Paroeci, hoc est Nobiles e tribus pagis, cum Praedicante, fores ac pervia coemeterij armati turbantur, negarunt se Visitatione tempus aut locum daturos. Post multa, protuli mandatum Caesare- um ac Regium, quo publicae privatimque lecto. Causidici Kosiothenses illo

692 Vő. 235. jegyzet

251