Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
VI. ARCHIDIACONATUS POSONIENSIS tatio commoda, sepes alicubi desiderantur: agros eiusdem media sessionis ut vocant Communitas arat. Pratum Parochus secat. Ingens hortus desertus manet. Duae vinae Parochiales a toto pago diligenter excoluntur, parum altera empta flor. 40. quos Eminentissimus Cardinalis pro Elemosyna largitus fuerat. Superior mola censum Parocho subministrat mutonem frumenti quotannis. Denique colonorum quilibet 2. metretas tritici, et caseolum vel eius loco den. 4. cum gallina, eidem adfert. Inquilini metretam 1. et den. 12. In fine pagi iuxta viam que in Szencz ducit, erant 10. inquilinorum sedes subditi solius Parochi, praeteritis bellis Betlenianis domus eorum exustae, homines dissipati. Facile rursus colonia duci posset, si domini pagi permitterent. Ab administratione Sacramentorum et aliarum publicarum functionum dari solet ut in vicinis Ecc- lesijs adnotavimus. Sedecima utilis. Scholam nondum extruxerunt. Magister Catholicus alienam domum inhabitat, quaelibet domus mediam frumenti metretam et den. 6 ei suppeditat. Discipuli pauci, plures Schola perfecta forent. Ungari et Croatae incolae. Illi maiori ex parte haeretici, hi Catholici omnes. Itaque superant Catholici. Sermo fit Croaticae, Praesens Parochus interdum etiam Ungarice verba facit. Domus omnium 70. animae 400. Cathed- raticum exolverunt. 48. Boldogfalva Boldogfalva Celeberima olim Divae Virginis memoria, eiusdem natali consecrata, quo die tantus concursus hominum visebatur, ut meminerint inter alios tantum per- sicorum fructus 37. curribus advectos, ea frequentia consumptos fuisse. Cerae praeterea templo incredibilem copiam, semper donatam. Ac postquam haeresis hoc loco invaluit, et omnia susque deque haberi coepta. Divina providentia pietatem populi erga Divam Virginem natam celebritatemque omnem in Spaczensem aedem transtullisse videtur. Templum est mediocre, sanctuarium egregie fornicatum, navis templi tabulata novo ac rudi opere. Altare maius insigne. Moniales loci dominae ante bella Posonium deferri curaverant, iam rursus erigere constituerunt. Supellex etiam templi apud easdem conservatur, de qua cum in Visitatione quaesivissem ubi nam esset? Jacobus Farkas egregius veterator, huius villae incola, aliquando Catholicus respondit; omnia Moniales Posonium asportasse etiam Fa legent Crucifixum ea voce petulanter significans. Quare exarsis in eum e templo expuli. Conquestus quoque sum Abbatissae, exiguo fructu. Lapis Baptismalis praegrandis et 2. parvae campanae in turricula extant. Coemeterium muro cinctum virgultis et vepribus obsitum. In fundo Parochiali nullum aedificium, agros eiusdem Inquilini pagi possident et nonam Parocho pendunt: qui quidem his motibus intestinis Praedicans Calvinista fuit, deinde in Rete se contulit. Hic Nobilium pagus intra limites hujus Parochiae Boldogfalvensis continetur. Hoc tempore Parochus Szencziensis sacra interdum peregit, nullo fere interessé volente. Dabantur olim tam ab his quam Retensibus Parocho a quavis 241
