Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. Inquilini demetunt. Pratum sat magnum iidem defalcant et convehunt. Confert quaelibet domus rustica Parocho duas metretas tritici puri, et avenae unam cum gallina. Addiderunt novissime centum libras carnis et 4, Urnas vini. Pro baptismatis unda solvunt den. 4. a novo chrismate ad Pentecosten usque duplum. Copulatio et trina denunciatio meretur den. 24. Sepultura den. 12. Contio flor. 1. Sedecima frumenti non ingrata. Magister Scholae Catholicus 4. manipulos tritici totidemque avenae sibi a colonis usurpat, a qualibet vinea mensuram musti. Pauci sunt quos erudiat discipuli. Incolae Croatae omnes. Sclavonicae linguae aeque periti. Octoginta efluxere anni ex quo sedem hic fixere. Probi Catholici. Domus 75. animae 400, non pauciores. Censum Cathedraticum commoniti exhibuerunt et inviti. 22. Nadas Nadas Parochialis fuit semper Ecclesia, nunc filialis ad Nahach cum altera absque altera proprio Parocho gaudere non possit. Incolae sita non nihil extra pagum. Tabulatum aliquantulum labefactatum. Coemeterium erat ex sepibus, nunc nullum est, convehunt lapides quibus illud cingant. S[anctorum] Petri et Pauli patrocinio laetatur. Dedicationem Dominica Rogationum celebrant. Tabernaculum sacra hostia carere solet. Baptismale apertum iussi ocludj. Quae pro Sacrificijs sunt necessaria, servantur apud aedituum commodius quam in templo, nempe calix unus cum patena argenteus, casula una, corporale mundum et alia. Duae praeterea casulae, plures mappae et strophiola calix confractus, ac certa vela, in arce Szomolyan loco tutiori deposita, campana est unica. Ossorium, Rituale613, Portable, Missale Strigoniense614, Romanum615 comparabunt. Aedes Parocho nulla; coeperant aliqua ligna erigere, intermissum deinde opus, cum Parochus in Nahacz degat. Agros duarum sessionum coloni precario exarant. Prata 3. A qualibet domo integrae sessionis cedunt, Parocho duae metretae frumenti, a media sessione una. Inquilini den. 12. numerant, nemo est qui pullum etiam non tribuat. Stola uti fere in Nahacz. Lu- dimoderator Catholicus, Schola caret, propriam casam possidet in qua pueros instruit, servit autem Domino prout rusticus. Manipulatione, ut vocant et collecturam percipit. Pagus Binocz huc attinet, contribuit omnia instar Nadasiensium. In funere plus, nempe den. 16. Parochus sacra non administrat, sed in Nadas tertia Dominica et festo. Sedecima mediocris. Multi hic Domini, idcirco pauperes subditi. Aliqui externi Lutherani. Domus 60. animae 300. Cathedraticum integre haud subministratum. In Binocz Catholici omnes, aedes 40. animae ducentae. 613 V6. 143. jegyzet 614 Vö. 4. jegyzet 615 Vö. 147. jegyzet 222
