Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. 18. Szolosnicza Szolosnicza S[ancti] Osvaldj Regis. Dedicatio Dominica post diem S[anctae] Margaritae Sacrum. Sanctorum et Tabernaculum pictura illustratum. Altare novum sat elegans. Liquores sacri, et supellex munda, corporale cum purificatorio, alba, humerali, calice, patena, portatili, casulis tribus, totidem velis, ac strophiolis et mappis 4. Missale Romanum538 pervetustum, campanae in turri duae. Liber baptizatorum. Pecunia templo nec in nominibus est, nec numeratam habet. Coemeterium muro amplum. Epithaphium Praedicantis Bornemissae539 marmori incisum ex templo ejici curavi, velut nequissimi haeresiarchae. Exusta cum maiori parte pagi Parochia reparata commode est; agros et prata instar aliarum domorum obtinet, illos coloni arant, haec ipsémét Parochus falcari haud negligit. Qui etiam flor. 6, et a qualibet domo mediae sessionis cub. tritici ei persolvunt, item caseum, galinam(!) et den. 4. Inquilini vero domos habentes den. 28. non habentes den. 14. alter utrum vel caseum vel gallinam, ad aedes Parochiae deferunt. Stola erat incerta, ordinavi eam quae in Malaczka viget. Georgius Stomfaj540 Parochum agit a quinquenio, quinquagenarius ipse. Rhetoricae operam dedit, satis facit suo munerj, alternis vicibus hic et in duabus filialibus. Concubina olim sua vitam agit in Német Diós, unde is huc translatus est: non solet illa eum adire, ille tamen interdum accedit in Dios, vineas ibidem suas lustraturus, an vero tunc commercium sit illis, nescitur. Horas Canonicas a se non omitti fatebatur. Magistro Scholae homini Catholico est nomen Georgius Braczkensis, cui flor. 4. et a qualibet domo mensura molendinaria nempe sexta pars cubuli, qui tantus est ac in Malaczka exolvitur. Pro funere den. 12. Sedecima Parochi insignis. Arci Detrekőensi pagus hic proximus Germanice Pratenbrun nuncupatus. Nonnulli in haeresi vigebant, ac nunc ex subditis, Deo laus, nemo. Curiam Nobilitarem unam, Nobilis et aliquot e familia haeretici incolunt. Judex fidem Catholicam nuper amplexus natione Germanus templi magnam curam gerit, nec sumptibus, proprijs parcet. Fluvius trucas gignit. Domus quadraginta, animae 200. Cathedraticum datum. 19. Haszprunka Haszprunka Nuper ex trabibus pineis Capella constructa coemento intus ac foris superadito, nondum peritus absoluta, nedum consecrata, nec coemeterio cincta. Tabula 538 Vö. 147. jegyzet 539 Vö. 529. jegyzet 540 Stomfai György plébános, vö. NÉMETHY 941. 196
