Memoria Basilicae Strigoniensis anno 1856. die 31. augusti (1856)
vin ut Augustissimo Eidem Imperatori et Regi nostro Apostolico, Habs- burgicae pietatis haeredi, Patriae nostrae Sospitatori, felicissima Imperii cum Sacerdotio concordia non minus aeternam, quam temporalem felicitatem accuranti, omnem benedictionem coelestem et terrestrem ac illibatam subditorum populorum fidelitatem ex animo voveamus et homagiali cum devotione precemur ! Quia vero Tu, Eminentissime Cardinalis, ex cuius intimo sensu haec depromsimus vota, diem hunc solennem posterorum quoque memoriae commendari peroptasti : concinnavimus hoc Album consecratae a Te novae Basilicae Strigoniensis, honoribus Tuis reverenter inscriptum, cui vetustissimae Ecclesiae Strigoniensis vicissitudines laetas et tristes, nunc vero consecratae initia, progressus et formam , — dein gloriosorum praecessorum Archi-Episcoporum Strigo- niensium seriem, necnon confratrum nostrorum canonicorum, qui isthic jugiter psallendo et devote Domino famulando bene ministraverunt ab initio, et subseque, nomina inferenda censuimus, ad piam horum memoriam excitandam, et ipsa hac sancta solennitate nos provocante. — Quod dum Eminentiae Tuae hisce humillime offerimus, rursum pie precamur: ut Deus Omnipotens, qui de vivis et electis lapidibus omnium cohabitation© sanctorum aeternum Majestati suae praeparat habitaculum, sanctificet domum hanc suam, et sacrificia in ea pro Regibus et qui in sublimitate positi conservant pacem in diebus nostris, proque omnibus fidelibus vivis et defunctis devote offerenda benigne suscipiat, perficiatque aedificationem corporis Christi in nobis. Tibi vero, Eminentissime Domine, cuius anima concupiscit et deficit in atriis Domini, tribuat virtutem ex Alto, dirigat opera manuum Tuarum, et multiplicet dies Tuos, quo sponsam Tuam in plena Majestate cernere et in fructibus piissimorum studiorum laborumque Tuorum laetari possis quam diutissime. Datae Strigonii Festo Assumtionis B. M. Y., Anno Domini 1856. Eminentiae T na e devotissimi capellani Capitulum Strigoniense. <«■—------------------------------------------------------------------------------------------—-----------t
