Memoria Basilicae Strigoniensis anno 1856. die 31. augusti (1856)

*H~-------------------------------------------------------------------------------------• » «

—u 54 n~—

Gemmas rari pretii, quas Comes Jordanus, aerarii regii praefectus, e thesaurario Ecclesiae Strigoniensis post fata Martyrii Archi-Episcopi abstulerat, via iuris revindicavit.1) Apud Gejsam II. optimae indolis Principem effecit, ut in Hungária Alexander III. agnosceretur legitimus Pontifex, repulsis Victore IV. et Paschale III. Antipapis, et dein Callisto III. aeque Pseudo-pontifice, origine ut creditur Hunga- ro, quos Fridericus l. Barbarossa protexerat. Summam epistolae, quam super eadem re ad S. Eberhardum Salisburgensem Archi-Episcopum scripsit Lucas, ex Hansizio refert Schmitth et Fejér. Principium epistolae est huius tenoris : „Dominóin Christo Venerabili Eberhardo, Juvaviensis Ecclesiae Archiepiscopo reverendo L. P. (Lucas Pánfi sive Bánfi) Strigoniensis Ecclesiae vocatus electus, qualiscunque, cum irremissibili desiderio, si quid valet peccatoris oratio.“2) Filium Gejsae Il-di matura morte 1161. sublati, Stephanum

III. paternis curis fovebat Lucas, illi in omnibus vicissitudinibus adfuit. Sacrilegos nobiles Cornelium, et Hieronymum, qui Abbatiam de dextera S. Stephani seu Szent Jobb violarunt, excommunicavit.

Porro abusus in Beneficiorum collatione factos, apostolico zelo emendatum ibat. Ad sarcienda quippe aerarii damna factum non nunquam est, ut Praepositurae, aut Abbatiae viris saecularibus hac lege conce- j derentur, ut certa pecuniae summa Fisco numerata, caeteros fructus in ! suos usus converterent, porro defunctis Episcopis, viri saeculares Bonis Ecclesiarum administrandis praefecti, neglectis Ecclesiis, aedibus j Episcoporum, rebusque caeteris, quarum cura Episcopis, aut sede vacante, iis, qui Bona administrant, incumbit, parte redituum, quemadmodum ipsis visum est, aerario Regio illata, alteram maiorem sibi servarunt. Complures praeterea Ecclesiarum Praelati, citra iuris formam, et quin alicuius criminis convicti fuissent, privari Beneficiis, aut ab una Ecclesia ad aliam transferri solebant, absque Sedis Apo- stolicae consensu; verbo: eadem fere, quae Angliám sub Henrico II. ! Rege, reclamante S. Thoma Cantnariensi Archi-Episcopo, illo eodem tempore adflixerant, mala Ecclesiae in Hungária quoque impendere videbantur. Haec et similia Lucas retulit Alexandro III. Pontifici, qui Matthaeum Diaconum Cardinalem Legatum suum in Hungáriám misit. Interea Lucas convocavit Praesules Hungáriáé Strigonium anno 1169. et loquebatur in conspectu Regis, vulnera Ecclesiae

’) Schmitth Op. cit. p. 69. — 2) ,Religio4 1853. P. I. p. 145. et sequen.

« ►--------------------------------------------------■--------------------------------------------------—