Memoria Basilicae Strigoniensis anno 1856. die 31. augusti (1856)

*H----------------------------------------------------------------------------------------n 38 *»—

ö) S. Adalbertus Episc. et Martyr, utpote qui S. Stephanum Regem in Doctrina fidei instituit, undis Baptismatis abluit, Strigonii semen verbi Dei sparsit, conatibusque suis pii hujus Principis animum eo permovit, ut popularibus suis jam non solum in amplectenda fide christiana exemplar, sed verus etiam ac fervidus Apostolus fuerit. Hinc factum est, quod, dum pro fide sanctus hic Pragensium Praesul vitam Anno 997-0 in Prussia immolasset, ex singulari erga magnum Christi athletam veneratione, Cathedralis Strigonii Ecclesia in honorem ejusdem excitata sit, ipseque in Regni et Strigoniensis Archi-Dioe- cesisPatronum cooptatus, usque hodie qua talis officio, et Missa cum Octava die 23. April, colatur. Frustum e cranio S. Martyris, quod Traditio nobis quasi per manus reliquit, quodve ducentis abhinc annis in statua argentea, hac vero temporum iniquitate absumta in sepul- chro, e viliore metallo efficto, conservabatur, Princeps Primas Regni, actu Ecclesiam Strigoniensem feliciter gubernans, in argenteum Reli- quiarium, propriis impensis curatum, 131 uncias appendens, quod formam Monstratorii, et loco Crucis in supremitate Mitram Episcopalem, baculumque pastoralem cum tribus hastis ceu Martyrii symbolis exhibet, Anno 1855. reposuit, majorique sigillo Suo manu propria communivit. In Ordinario (Directorio) Strigoniensi, Venetiis Anno 1505-O procuso, Festum etiam Translationis S. Adalberti Episc. et Martyris occurrit, unde avita Majorum nostrorum erga tutelarem hunc Regni Sanctum veneratio et pietas egregie resplendet.

5) S. Stephanus, filius G-ejsae DucisHungarorum, qui ipse, Dei benignitate praeventus, fidei christianae veritatem agnovit, utque subditum populum Christo lucrifaceret, viros christianae fidei peritos undique accersere, templa exstruere coepit, filiumque Yaik dictum, indito illi nomineS. Stephani Proto-Martyris, nativitatem, regiumque titulum illius uxori Gejsae partui propinguae in visione praenunciantis, salutaribus Baptismi aquis ablui fecit. Patre vita functo, administra- tioneque Regni, ad quam egregie instructus est, suscepta, Stephanus Religionem christianam longe lateque propagare totis viribus est ad- gressus. Catholicae fidei hostibus virtute Dei devictis, Decimas rerum omnium ex voto Ecclesiis addixit ; Monasterium S. Martini in Monte Pannoniae, a G-ejsa strui coeptum, consummavit et multis possessionibus auxit; Religiosos viros salutis animarum cupidissimos, ex variis mundi partibus ad ipsum confluentes munifice complexus, structis a se Coenobiis, large provisis, intulit ; fine stabiliendae in Regno catho« »