Memoria Basilicae Strigoniensis anno 1856. die 31. augusti (1856)

quemadmodum aliae quoque Ecclesiae Strigon. Hae, siquidem Arch i- Diacono Cathedrali, utpote in loco constituto, nec Cathedraticum nec descensum praeberent, partem sui proventus juxta adprobatam consuetudinem idmodi Ecclesiae Magistro praestare obligabantur.

22. Ecclesia parochialis ignoti nominis in villa Bajom, intra terrenum Strig. et Kesztőlczense sita. Villam hanc Joannes de Kanizsa Arclii-Episcopus Capellae B. M. V., ad aquilonare Ecclesiae Ca- thedralis latus a se erectae, Anno 1396. donavit, sed de jure possessorii postea etiam multum disceptabatur.

23. Ecclesia B. M. Virg. de Campo Strig., Abbatialis Ord. Ci- sterciensium, quae prope viam ad Dorogit terram habuit, memoratur Anno 1269.

24. Ecclesia S. Aegidii, cujus Anno 1272. metales de Do- roffh meminerunt.

O

25. Propius ad Danubium et viam ad Tátit notatur in metali- bus Anni 1270. villa S. Pauli, in qua fundos Archi-Episcopus una et Capitulum possidebant. Nicolaus de Korova Palatium in villa hac ante Ecclesiam S. Pauli situm Anno 1312-0 Thomae Archi- Episcopo pro sex argenti marcis vendidisse legitur. Denique

26. Ecclesia S. Stephani Regis Fratrum Hospitalariorum S. Joannis Hierosolymitani, alias Cruciferorum S. Stephani Regis de Strigonio, circa 1161—1181. cum domo ipsorum erecta. Gejsa nempe

II. Rex Hungarorum Fratribus his, quibus Jerosolymis quoque Ecclesiam, nec non hospitalem pro recipiendis peregrinis domum erigi fecit, copiosam terram et ligna ad struendas Strigonii domos contulit; Bela vero Rex, indubie III. villas: Obon, Tháth, Ebszőny; alii denique privati alia praedia, agros, silvas, piscinasque donarunt. Praedictae villae Cruciferis Anno 1522. ad defensionem Insulae Rhodi abeuntibus, nec postea reversis, primum Praepositurae saeculari SS. Trinitatis de calidis aquis Budensibus, postea vero Seminario S. Stephani Regis, donatione Regia mediante, cesserunt. Memorabilis hic Conventus fuit tum ideo, quod plurima Diplomata in eodem, utpote Loco credibili edita sint, tum etiam, quod in eodem Andreas II. Rex in Jacobi Praenestini Electi. Apostolicae Sedis Legati, aliorumque Episcoporum et Magnatum praesentia, Anno 1233. privilegium suum super libertatibus Ecclesiae, nec non verbum suum regium, quod Saracenos ac Ismaelitas ad publica officia cum pernicie Christianorum deinceps adplicare nolit, solenni juramento firmaverit. Fuit haec do*«»-----------------------------------------------------------------------------------------«+»*