Memoria Basilicae Strigoniensis anno 1856. die 31. augusti (1856)

*H——-------------------------------------------------—---------------------------------------•«»*

I »

—n 24 «+—

duae ad Capellas Basilicae ducentes portae, desuperque prominentes albo in lapide artificioso scalpro productae sculpturae ; magnificus denique columnis politis innixus, coloribus et auro liberaliter ornatus Ecclesiae Chorus, celeberrimi, quod continet, Organi dignum sane domicilium, nulli aequo rerum arbitro quidpiam ultra desiderandum relinquunt.

§. 13.

Capella S. Stephani Proto-lttartyris.

Antequam ex illustri hoc adorandae Divinae Majestatis loco, tot tantisque pulchriorum artium speciminibus referto egrediamur, adhuc S. Stephani Proto-Martyris Capellam, prope ad principem Propylaei portam, et exeunti quidem a sinistris locatam, paululum intueamur. Ingressus ad illam per duas praealtas, intercapedine plus quam unam orgiám lati parietis ab invicem distantes portas patet. Tota e nativo subflavi coloris marmore structa, fornice coloribus decore distincto contecta, et luce per fenestras versus Aquilonem aptatas abunde provisa, in longum 6, 4 in latum, in altum denique 8 hexapedas numerat. Lata ad fornicis limbum coronix pulchris caelaturis ornata; e marmore constructa arae tumba sculpturis prominentibus decora; tabernaculum e polito, viridi utplurimum marmore affabre structum, candido utrinque Angelo cinctum; statua S. Proto-Martyrem, dum lapidaretur, veniam pro persecutoribus orantem adumbrans, ex albo lapide marmoreo, opera Stephani Ferenczy sculptorisHungari, ad viri altitudinem educta, cujus a tergo Jeroso- lymorum Civitas, congestorum ad morti tradendum Christi athletam lapidum strues, nec non adolescens Saulus, vestes persequentium custodiens perbene sistitur; porro Inscriptio „Divo Proto-Martyri“ inauratis literis superne incisa; ultra hanc Icon SS. Trinitatis in lista medii circuli picta; marmorea denique columna quatuor fere org. alta, et duos pedes crassa aram utrinque cingens, ipsumque variegati coloris stratum, albis et rubris e marmore tabulis constans, spectantium oculos pergrate afficiunt. Ornatur haec Capella etiam splendi dissimo Caroli Ambrosii Archi-Ducis Primatis Regni et Archi- Episcopi Strigoniensis monumento, quod in germani amoris tesseram per tres Principes fratres eidem positum et Basilicae ad desiderium ipsorum illocatum, eximio artis suae pretio intuentes in admira-