Memoria Basilicae Strigoniensis anno 1856. die 31. augusti (1856)

--------------------------------------------------------------------------------------------------------«•* *•

—fi 22 M—

compages, vastissimis quatuor arcubus, aureis rosis decoratis, grandi sua mole, ceu gracile quoddam corpus incumbens, e praealtis 12 fenestris suis quaquaversum liberaliter lucem affundens, prominentibus sculpturis ornata, et Cruculam pictam cum inscriptione „In hoc vinces“ in summi fornicis orbita exhibens, artificiosa una ac elegante sui constructione ceu summum omni jure Basilicae decus ac ornamentum, magnificum conspectum praebet. Antrorsum progredienti 11 marmorei gradus occurrunt, quorum supremo conscenso, emensis jam adusque 41 interioris Basilicae superficiei orgiis, finitimus Sanctuarii, marmor referentibus variegati coloris tabulis, non minus , ac navis Ecclesiae tabulatum, eleganter strati, paries attingitur. Longitudo ejus fere 11, latitudo 9, altitudo demum usque superficiem fornicis 13 hexapedas aequat. Fornix ipse eleganti „al Fresco“ penicillo SS. Trinitatis imaginem, colossalibus figuris expressam sistit, cui profunda in veneratione circumfusi Angeli et Archangeli, Cherubim quoque ac Seraphim cum toto coelesti exercitu hymnum gloriae veluti concinentes, parem pietatis in contemplatore excitant sensum. Margo fornicis e pictis, multoque auro vestitis ornamentis concinne formatus; elegantes duo arcus supra Sanctuarii parietem expansi, lamellis auro obductis, et in harum medio gypseis, perinde multo auro velatis rosis refulgentes ; nec non infra minorem illum arcum in semicirculum decurrens latior fascia, sive artis sive auri pretio reliquis longe splendidior, intuentium oculos mire demulcent. Sanctuarium in utroque defluente latere, eodem quo reliquum Ecclesiae corpus marmoreo tapete, speculi ad instar resplendente, vestito, altae ferreae fenestrae, in semicirculum superne structae, luce provident. Infra has fenestras utrinque Oratoria enitent 6 org. longa, 4 lata, decore instructa, et 60 supra Sacristiam gradibus elevata. Cumprimis vero grandis extensionis utpote40ped. alta, 20 lata Imago, Assumtionem B. M. V. exhibens, Venetiis haud pridem allata, eam Sanctuario, imo toti Ecclesiae corpori conciliat ! Majestatem, ut et oculos intuentium in admirationem et animos ad devotionem rapiat. Oculis jam magis deorsum intentis mox splendi- I da principalis Ara occurrit, artificis scalpro de Carario marmore formata et polita, quatuor intra Candelabra infimo gradu posita statuis; quatuordecim in singula parte elegantibus Candelabris; distincto pro asservanda Monstrantia et Ciborio tabernaculo, spicis et botris ab extus prominente labore ornato ; genuflexis duobus ex Bronce Che• I « »