Memoria Basilicae Strigoniensis anno 1856. die 31. augusti (1856)

ïî-.t î--------------------------------------------------------------------------------------4 I 'I

—11 20 ch—

maffna in frontis medio fenestra, in latum semicirculum desinente, decurrenti communicationis cum Residentia ambitui, servandis Archivi saecularis Primatialis scriptis interea deservienti, lucem affundit. Supra fenestras solido in altum spatio emblemata conspiciuntur, malleolo sculptoris artificiose lapidi, ut promineant, incisa. Fenestrae semicirculari mediae coronix quatuor pilastris sustentata, et per omnem Basilicae extensionem procurrens incumbit; cui in fronte hac quinque colossales lapideae statuae insistunt; harum duae, utrobi- que extimae, sanctos Hungáriáé Reges : Stephanum et Ladislaum, aliae duae: Petrum et Paulum Apostolorum Principes repraesentant, singula 3 org. 1 ped. alta ; media vero, paulo caeteris altior, Religionem adumbrat, Matronam praeseferens, quae dextrum brachium in aera levat, altero Crucem humero acclinatam servat, a parvis duobus Geniis utrobique stipata ; ut adeo tres hae insimul figurae totidem virtutes theologicas clare sistant. Infra mediam hanc statuam magnis inauratis literis affixa épigraphe : „Quae sursum sunt, quaerite“ perquam commode legitur. Trans coronicem istam super Sanctuarii fornice et navi jacet quercino e ligno tectum, imbricibus et laminis ferreis stratum , hinc inde canalibus defluas pluvias evecturis provisum. Ad meridionale Basilicae latus deflectenti improbi laboris et praegrandis molis Cupula magnifice se conspiciendam sistit, quatuor immanibus arcubus sustentata, qui tamen procurrentibus in peripheria muris vestiti videri haud possunt, pilisque totidem, 9 org. in fundamento crassis, supportantur. Fundum Cupulae in circulum diffusus notabilis crassitiei murus constituit, plumbi laminis contectus et 2 org. altus. Basi huic in circulum locatae 24 columnae praegrandes insistunt, quarum singula, in summitate nonnihil gracilior, medio et infimo corpore unam in diametro, 10 vero in altum numerat orgias. Cavum muri elegantis, post columnas has educti, ad interiora Basilicae versum, 12 e ferro compactis et vitro solidiore instructis fenestris provisum, sufficientem eidem lucem affundit. Columnis his murus 3 org. 3 ped. crassus, huic autem 8 in altitudine, 16 in diametro hexapedarum tectum ferreum, cupro stratum, incumbit. Pondus ferri 137,418 libras, cupri vero 30,623 aequat. Murus nunc memoratus, qui fornicem infra cavum tecti eductum sustinet, limbum per omnem tecti peripheriam ad 11 ped. ex- trorsum prostantem praesefert. E plumbeo strato Cupulae basim constituente , medio scalae ferreae, per angustos quidem sed commodos