Leo Santifaller: Ergänzungsband 2/2. Festschrift zur Feier des 200 jährigen Bestandes des HHStA 2 Bände (1951)
IX. Nachträge - 82. Thea Oschinsky (Liverpool): Südtiroler Urkunden im Britischen Museum
Südtiroler Urkunden im Britischen Museum. 543 so dann sey wir zestund geschaiden von allen den rechten, die wir zu den obgenanten paurechten vermainten ze haben und sein darnach lediglich gevallen an dasselb capitel, daz mag sich dann derselben paurecht unterwinden, ünser und mänikliches von unsern wegen daran ungeengt und ungeirret, als oft auch es mit tódén ze schulden chumbt, so sol ye ainer meiner erben oder des, der die benanten pawrecht nach mir innhat und der irem capitel zu ainem pawman ratlich und füglich ist in jares frist körnen für daz capitel und dieselben paurecht besten mit einem geding nach gnaden nach ires capitels recht und gewonhait bei der obgeschriben pen. Zu urkund han ich fleizziclich gepeten den edlen und vesten Adolfen von Oberweinper statrichter ze Brixen, daz er sein insigel an den brief gehengt hat, im und seinen erben an schaden. Des sein gezeugen die erberen Michael Ödenhauser von der Newstift, Andreas Vnger, Anthoni von Latzfans, Hanns Huber von Latzfans, Pauls Schreiber und ander erberger leüt vil. Daz ist geschehen nach Christes gepürt tausent vierhundert und in dem newnundfünftzigistem jare an suntag nach dem Auffarttag. Siegel an Pergamentstreifen fehlt. 16. 1534 NOVEMBER 23, INNSBRUCK. König Ferdinand bestätigt den Meistern und Gesellen des Weberhandwerks in Landgericht und Stadt Gries und Bozen neuerdings die vordem von Kaiser Maximilian bestätigte Zunftordnung, deren Bestimmungen in der Urkunde auf geführt werden. Perg. (55 h x 29 h). — S.: Add. Gh. 16315. Unter dem Umschlag: Rudolff graff zu Sultz reichsstathalter (gleichzeitige Hd.). Auf dem Umschlag: Commissio serinissimi domini regis in consilio. Jacob Franckfurter (gleichzeitige Hd.). Wir Ferdinand von Gotes genaden römischer kunig zu allen Zeiten merer des reichs in Germanien, zu Hungern, Beheim, Dalmatien, Croatien etc., kunig infant in Hispanien, erczherczog zu Oesterreich, herezog zu Burgundi etc., grave zu Tirol etc. bekennen offenn- lichen mit disem brief und thun kundt allermenigclichen daz für unns körnen seind unnsere getrewen die maister und gesellen des hanndtwerchs der weber in unnserm lanndtgericht auch der statt Gries und Boczen gesessen durch ir erber potschafft und gaben unns unnder- thenig zu erkennen, wie dy zu eer und lob Got dem allmechtigen auch zu trost der seelen der abgestorbnen personen ires hanndtwerchs und zu sonnder zier der kirchen und furderung des gots diennst unnder inen ain Ordnung und bruederschafft furgenomen und aufgericht, auch damit dieselb destpas und stattlicher erhalten werden mocht von irem aigen guet darstreckung getan heten, weihe Ordnung inen durch weilennd unnsern lieben anherren kaiser Maximilian löblicher gedechtnus genedigclichen confirmiert und bestätet wäre. Innhalt derselben confirmation, die sy unns furtragen lassen und darinnen die anczaigt Ordnung nach lenngs begriffen ist von wort zu wort also lawtennd: zum ersten das ain yeder maiester all quattember in die bruederschafft drey krewezer gebe und ain gesell all sonntag ain fierer. Item so offt ain gesell ain newen maister hat, der gibt ain krewezer; so ainer nit knechtrecht geben hat, der gibt newn krewezer; ob ainer mit ainer diern und nit eelich hawst, der soll gestrafft werden; so ainer diebstall oder annderer unerlicher hänndl bezigen und des mit kundtschafften oder dem rechten überwunden wurde, der soll nit gefurdert werden; welher maister im landtgericht Gries und Botzen nicht stewr und wacht gibt oder geben wolt, der soll nicht darinn arbaiten oder aufgehalten werden; es soll auch ain yeder maister oder knecht der weber, so daselbs stirbt mit den kerczen belewcht gen kirchen getragen und bestat werden; auch sollen sy trewlichen arbaiten, niemanndt beschwärn und wellicher newer maister werden will, der soll nach rat der brueder in die bruederschafft ettwas zum gotsdienst geben. Und baten unns darauf unnderthenigclich, daz wir als regierennder herr und lanndsfurst dises unnsers lannds der fürstlichen graveschafft Tirol
