Leo Santifaller: Ergänzungsband 2/1. Festschrift zur Feier des 200 jährigen Bestandes des HHStA 2 Bände (1949)

IV. Quellen und Quellenkunde - 34. Anna Hedwig Benna (Wien): Iurisprudentia medii aevi: eine Handschrift der deutschen Bearbeitung des Ordo „Antequam“

Ordo „Antequam“.

531

c. 3, § 6

c. 3, § 7

II, 5 c. 4,pr. fol. 44 r

c. 4, § 1

II, 6

c. 4, § 4 c. 4, § 4

c. 4, § 5

c. 4, § 7 fol. 44 v

c. 4, § 8

c. 4, § 10

II, 7

c. 4, § 12

Rustice: pauren feyrtag, die von nuczes vnd notdurfft wegen der menschaitt hergebracht vnd geben sendt als die zeit der ern vnd des weinherbstes. Doch wenn die parteyen daz verwilligent, so hat ez crafft.

Repentine seindt nit in gewonheit. Als do ein fürst den tag seiner gepurt eret, oder der gepurtt seines suns oder dem syg seiner veinden feyret.

Kompt vnd erscheindt der antwurter nicht, so haist er vngehorsam, dazselbig ist zw latéin cotumax gesprochen. Vnd alsdan sol der richter auf dez clagers begeren richten vber in als vber ain vngehorsamen mit dem ban oder sust noch gestalt der sach.

Ist im anders daz fürbot rechtlich verkündet vnd wendet in nit eehaft not, daz ist vngeuarelich gefengnus, Siechtum, der weder zw kirchen noch zw stras mag geen, vnd herrennot vnd wilde wasser vnd der bey dem land nit were vngeuarlich. Declinare forum: haist die sach in ain ander gericht ziehen. Defendere: beschirmen, Respondere: antwurten. Immutare procuratores: die reder verwandeln. Processus: gerichtshandel. Inibicio: verbotbrieff. Non comparere: nit erscheinen. Comparere: erscheinen. Accusare: versagen. Accusare contumaciam: die vngehorsamen beclagen.

Erscheint aber der antwurter vnd der clager ausbleibt, so sol er warten, vnd gibt man im ein expectantz. Vnd sol im der clager den schaden abtragen vnd sol wegeren in der clag vnd in dez gerichtes ledig ze sprechen darnach vnd die sach gestalten vnd gros vnd clain ist.

Interpellare: Do ain teil ein fürbott oder anzug zw erlengeren durch eehaftig nodt uon dem gericht zw rechter zeit erlangt vnd daz dem widertaill verkündet vnd ander tag benempt.

Prorogare: do ein oberster richter ein gnad freihait oder aufschlag einer sach erlengert.

Suspendere: do man ein sach oder recht aufschlecht.

Erscheint aber der antwurtter vnd gebürt im ausnemung, daz ist excepciones oder einred, die sol er tun, ob er wil. Vnd ausnehmung, daz ist excepcio vnd ist zweyerlay. Die ain haist dilatoria, durch die allain die sach verzogen vnd nit geendet wirt. Als so der antwurter ausnimpt, daz ist excipet, wider den richter, daz er im verleumpt, ban, im arckwanig oder sein veindt vnd villeicht des clagers freundt sey. Des geleichen wider den clager oder sein gewalthaber oder den gewalt- brieff, daz ist procuratorium oder wider die commisio oder citacion. Vnd wen er die hat, so wirt er nit mer den dez gerichtz auf daz mal ledig vnd nicht der clag. Daz ander haist exceptio peremptoria, die die clag vnd die meinung des clagers dempt vnd nidertrucket.

Als do einer angeclagt wirt vmb schuld, er antwurt also: ich bin vnlaugenpar, ich pin dir daz schuldig gewesen, du hast es mir aber nochgelassen oder ich pin mit dir vertedingt oder eins worden, daz du mich dorumb nit rechtfertigen noch anlaugen solt. Vnd als er daz küntt macht, so wirt er der clag vnd dez gerichts ledig gesprochen. Hat aber der antwurter der obgeschrigen ausnemung keine, domit er die sach demmen oder ab im schieben mög, so ist er schuldig dem clager ze antwurten vnd sol im die clag geschriben geben werden als durch ein libell, daz sol der clager, ist es ein sach, die man pillichen in geschrifft geit, von stund an dem richter geben. Vnd alsdan sol der richter dem antwurter dorzw XX tag geben, in den er sich bedencke, ob er der clag weiche oder widersten welle.

Libell ist ein geschrifft, dorinn einer rechtlichen beger oder gerechtfertigt wurd, die do inhalt die person dz richters, die namen dz clagers vnd antwurters vnd die sach, die begert wärt, vnd die vrsach. Vnd sol gar clar schlecht vnd lauter gemacht sein, dz der antwurter gar eygenlich versten möge, warvmb er angeclagt werd.