Leo Santifaller: Ergänzungsband 2/1. Festschrift zur Feier des 200 jährigen Bestandes des HHStA 2 Bände (1949)

III. Heraldik und Geneologie - 17. Anna Coreth (Wien): Ein Wappenbuch Kaiser Maximilians I.

Ein Wappenbuch Kaiser Maximilians I.

303

Salins.

Das ist ein herrschafft und sein auch eigen herrn gewesen unndern kunigen von Burgundj und da dasselb künigreich Burgundj zertrent ist worden, so ist dieselb herrschaft, darynn dann ein köstlicher saltzbrunnen ist, bliben ettlicher herrn als ein halbs commun, hat ein lanndsfurst solichs ererbt, und doch den merern teil erkaufft. Darumb so furt künig Max disen schild als ein furst des haws von Burgundj gar.

Friaul.

Ist vom reich belehennt, durch erbschafft und eins tayls gekaufft zum hawss Österreich, darumb so fúrt kunig Max disen schild gar.

Eremberg.

Das ist ein lanndtschafft gekaufft zum hawss Österreich von dem gesiecht Schangew, darumb so furt künig Max disen schild gar.

Zili.

Ist ein abgestorben grafschafft von den freyen grafen von Zili, die nye keiner cron unnderworffen gewesen sein. Ist durch abwechssel und absterben körnen an das hawss Österreich wie Luentz; darumb so furt künig Max disen schilld gar.

Orttemburg.

Ist ein grafschafft erkaufft durch einen herrn von Österreich als ertzhertzogen von kerennden und ligt in seinem zirckel, ist gewest ein freyer tittel graf nach der ertz in Kerennden, wie Zili in Wynndischen lannden, darumb so furt kunig Max disen schild als ein ertzhertzog in Kerennden gar.

Dockennburg.

Ist gewest ein allte freye grafschafft in dem fürstennthumb von Habspurg, ist gekaufft und abgewechsselt worden wie Zili und ab hundert jaren mit dem swert; darumb so furt künig Max disen schilld gar.

Grafschaft Alost.

Ist gewesen ein tewerliche grafschaft des reichs mit dem swert gedrungen an Frannck- reich, durch das reich mit dem swert widerumb erobert, darumb sy auf hewtigen tag ein pluttigs swert in irem wappen fueren. Das wappen ist gezurt mit allten geschichten mit dem Frantzosschen crewtz oder lilj auch von Frannckreich, damit die grafschafft grenitzt der cron Franckhreich auf hewtigen tag. Die grafen sein abgestorben und ist durch das reich einem hertzogen zu Brabant belehennt worden, darumb so furt künig Max disen schild als ein ertzhertzog zu Burgundj gar.

(Am Rande:) No(ta) sinonima.