Egyháztörténeti Szemle 1. (2000)
2000 / 1. szám - FORRÁSKÖZLÉSEK - Süttő Szilárd: A veszprémvölgyi apácák két búcsúengedélye 1386-ból
148 Egyháztörténeti Szemle I/1 (2000) preparari. Gloriosa siquidem beata virgo Maria, mater salvatoris virgo serena, plena deliciis et omnium virtutum floribus insignita, que virginitatis flore servato florem inmarcescibilem, Ihesum Christum, in mundo produxit et edidit salvatorem, tanto latius, tanto perfusius meruit humanarum laudum extolli preconiis et devotis mentibus revereri precipuisque honoris insigniis venerari, quanto super choros angelorum sublimius exaltata in excellentissimo solio prelature cum filio, quem genuit, residens pro suis devotis benignius et efficacius intercedit. Hec enim postulat, ut delinquentium culpas non iudicialiter arguat, sed in iudicio misericorditer pietate relaxet; hec benignas aures clamantium vocibus exhibet nec eas denegat suis inquisitoribus impartiri; hec defensatrix inclita devotorum, hec dolentium consolatrix, hec dulcis ad eterni Patris dexteram advocata consistens piis eius precibus suis pectoribus veniam impetrat, ut ipsi eius sedule intercessionis gratia de tenebris erigi, ad vere lucis introduci gloriam mereantur. Ut igitur ecclesia beatissime Marie virginis, matris Dei, in valle Wesprimiensi sanctemonialium Cisterciensis ordinis constructa a populis Christianis devotius frequentetur, et a Christi fidelibus iugiter veneretur, omnibus vere penitentibus, contritis et confessis, qui dictam ecclesiam beate Marie virginis sanctemonialium in singulis festvitatibus beate Marie virginis ac aliis infrascriptis, scilicet nativitatis, circumcisionis, epiphaniarum Domini, pasche, ascensionis, pentecostes, sancte Trinitatis, corporis Christi, inventionis et exaltationis sancte crucis, nativitatis et decollationis sancti Iohannis Baptiste, in festis beatorum Petri et Pauli et aliorum apostolorum, quatuor ewangelistarum, quatuor doctorum ac martirum Stephani, Adalberti, Georgii, Laurentii, Stanislai, Cosme et Damiani, necnon confessorum Martini, Nicolai, Stephani et Ladislai regum, Emerici ducis, sancti Benedicti abbatis, necnon Katherine, Margarethe, Clare, Dorothee, Agnetis et Lucie virginum, Elene et Elizabeth electarum humiliter et devote visitaverint vel ad eius fabricam manus porrexerint adiutrices, omnipotentis Dei et beatorum Petri et Pauli apostolorum eius auctoritate confisi centum et octaginta [sic!] dies in Domino misericorditer relaxamus. In cuius indulgentialis concessionis testimonium presentes nostri maioris et attentici [sic!] sigilli munimine duximus roborandas. Datum Bude, VI. die mensis Iunii anno Domini millesimo trecentesimo octagesimo [sic!] sexto.
