Dáné Veronka - Szabadi István (szerk.): A Tiszántúli Református Egyházkerület Zsinati iratai I. 1578-1735 - Editiones Archivi Districtus Reformatorum Transtibiscani 24. (Debrecen, 2022)
Jegyzőkönyvek
1593 I578-160O 39 forisque conversationem honorifice audivit. Nunc autem quorundam in sumptibus faciendis immodica profusione eo res adducta est, ut apud nonnullos honesta nostrae gentis existimatio periclitari videatur. Quare diligenter re considerata, ut aliqua ratione malo isti a nobis obviam iri possit consentientibus omnium nostris suffragiis, visum est per hasce nostras literas serio tam nostrae gentis studiosos Witebergae [!] et Hejdelbergae commorantes et commoraturos, quam ipsos etiam academiarum eorundem locorum professores ac rerumpublicarum earundem cives commonefacere et hortari, ut et illis sumptuum ratione ita temperent, ne profusione sua in eas se angustias adducant, ut aeris alieni magnitudini graventur, vel mutuis sponsionibus onerentur. Et hi plus aequo faciliores se ad credendam probentes, ne ansam et occassione illis nomina faciendi, unde aliqua nostri genti creari possit vel ignominia, vel molestia subministrent. [4] Cogitent nostri se peregre studiorum non splendoris aut ventris causa [—], eoque nomine patronorum liberalitate isthuc promoveri, ut honestis disciplinis et moribus imbuti, patriae et ecclesiae Dei utiles inedant. Sed et afflictissimae nostrae patriae miserabilem statum ob oculos sibi proponant, ubi expediendae inter tot et tantas expilationes pecuniae ratione, si unquam alias, hoc maxime tempore est difficillima iis praesertim, quibus res domi suae angusta, turcicoque imperio subiecta est. Caeterum et illi ut sibi persuasum habeant volumus, quod si qui tali sua credulitate aliquam rerum ac fortunarum suarum iacturam fecerint, nos solemni hac protestatione adhibita, liberos ab omni ipsorum damni refusione futuros. Scitum enim est iuventutis eam esse in rebus et propriis consuetudinis iudicii imbecillitate, ut praecipiti quadam (de iis tantum qui tales sunt, loqumur) incogitantia ad eaque feratur quae minus sunt ipsius usibus accomodata, qua in parte ut iis praeceptorum et aetate antecellentium prudentia occurratur, aequitati consentaneum est. Quare et seniori coetus ungarici sub ea qua munus suum suscepit fide iniunctum et professoribus ac civibus rerumpublicarum Witebergensis [!] et Heydelbergensis significatum volumus, ut se huic nostro consilio per omnia accomodare velint, ne secus faciendo et sibi et nobis molestiam creare pergant. Feliciter eosdem valere ex animo cupimus. Ex Synodo Kereztúrini habita pridiem calendae Februarii anno Domini 1593.23 23 • Adalékok 7-8.
