Dáné Veronka - Szabadi István (szerk.): A Tiszántúli Református Egyházkerület Zsinati iratai I. 1578-1735 - Editiones Archivi Districtus Reformatorum Transtibiscani 24. (Debrecen, 2022)
Jegyzőkönyvek
368 1713 A TISZÁNTÚLI REFORMÁTUS EGYHÁZKERÜLET ZSINATI IRATAI [8.] Pro funere ubique solvetur pastoribus non enim spectat ad ministerium. [9-] Erdődienses pro hoc anno 1713 solvant ministro sicut annis proxime antecedentibus. Verum sequenti anno 1714 et consequenter reducatur vetus salarium pastori destinatum. [10.] Reverendus dominus Andreas Szőlősi minister vocatus ad ecclesiam BeregSzásziensem cum consensu Sanctae Synodi Generalis intromittitur. [11.] Venerabilis Tractus Beregiensis in formula juramenti procedentium addat haec verba: superintendensednek és seniorodnak engedelmes lészesz. Porro: senior venerabilis Tractus Beregiensis ad confirmationem teneatur comparere in Synodo Generali, sola ordinatione ipsis relicta. [12.] Reverendus Johannes Rápólti depositus a venerabili Tractu Szathmáriensi manebit in eadem depositione usque ad uxoris ejus causae decisionem. [13.] Reverendi domini Johannis Erdődi causa iterum remittitur ad forum politicum. [14.] Clarissimus dominus Georgius Zoványi senior Tractus Szilágjiensis adducat relatoriam in causa Johannis Koczkás ad futuram Synodum Generalem. [I5-] Maria Kovács petit divortium a marito suo infideli desertore Samuele Falu, nunc illustrissimi commissarii de Sies famulo. Deliberatum: Vivente marito non separatur juxta Apostolum. [16.] Johannes Sillai petit divortium ab uxore fugitiva infideli Elisabeta Bujdosó. Deliberatum: Vivente uxore non separatur. [17.J [231] Sic Helena Kovács a marito suo infideli Andrea Hajdú divortium non obtinuit. [18.] Elizabetha Kóródi ob intolerabilem saevitiem petit divortium a marito suo Stephano Máté. Deliberatum: Maneant in liga juxta deliberatum venerabilis Tractus Szathmáriensis, hac tamen conditione ut maritus propter saevitiem a magistratu politico severe puniatur. [I9-] De Petri Csengeri filia deliberatum venerabilis Tractus Debreczen manebit. [20.] Stephani Szentesi causa transmittitur ad forum politicum. [21.] Petrus Pap petit divortium ab uxore sua Maria Zohon. Deliberatum: Cohabitent, et si Franciscus Zohon pater Mariae non restituat eam marito suo Petro Pap, excommunicetur cum tota sua familia tanquam malesuadi. [22.] Anna Hiző petit divortium a marito suo Georgio Bálint tanquam impotente. Deliberatum: Relegatur ad partialem synodum, ubi apertissimis documentis tenebitur probare impotentiam mariti sui. [23-1 Sara Pap sequestratur a marito suo nequam blasphemo furca et patibulo digno Francisco Kis et mulier vivere pacifice Diószegini concessum est.
