Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)
Causae matrimoniales in Beregzazino congressu decisae 25. 9bris Anno 1601. Uxor Michaelis Orbán de Salank exposita saevitiae mariti, qvi ipsam et filium crudeliter tractaverit. Petit divortium ab Eccl(esi)ae. Ambita itaqve et cognita causae ejus veritate, Ecclesia indulsit, maritumvero crudelem perpetuo vinculo et excommunicationi subjecit. Matthaeus Baxa de Som exposita conjugis suae saevitia et infidelitate suae etiam propriae vitae et mariti fuit insidiata, cujus rei causa publica virgis caesa fuit, et ejecta discessit, petit divortium. Ecclesia indulsit hac interposita conditione, ut maritus juramento comprobet, se non esse in causa illius fugae et tyrannidis in propriam vitam. Relicta Valentini Barkozi de Som in persona filiae, conjugis qvondam Joannis Matthias de Szernie petit libertatem filiae fugitivae. Ec(c)l(esi)a indulsit. Joannes Salánki civis Kigiosiensis petit libertatem divertendi ab uxore furace et fugitiva, qvae convicta furti, suspendio fuit adjudicata, verum metu poenae salutem fuga qvaerit alibi jam per biennium. Ecclesia cognita veritate causa secundum viri postulatum pronuntiavit hac interjecta conditione, ut Juramento attestetur, se non praebuisse ansam fugae uxoris et furti. II. Qvod juxta commissionem Ecclesiae laboraverit in qverenda conjugem. Et (cetera). Paulus Miklós Czekeinsis cum sua uxore qveruntur de inhabilitate corporis ad matrimonium, cujus gratia potunt divortium. Ecclesia indulsit hac conditione, ut utraqve pars juramento comprobet impotentiam et (cetera). Dilato eorum causa propter absentiam pecuniae debitae desunt Den(erios) 50. ex parte feminae separatae, restituet D(omi)nus Paulus Giarmathy et (cetera). Paulus Cziőz civis Kigiosiensis cum sua uxore fatetur suam impotentiam naturalem ad copulam carnalem. Ecclesia indulsit libertatem divertendi eadem qva supra conditione pecunia debita pro divortio de est ex parte viri... Kerepecz Pastoris ministerio privatur propter contemtum verbi et violentiam adversus Pastorem suum Georgium Kerepeczzi facta. Kazon similiter. Acta post Synodum et proponenda in futura Synaxi: I.Causa Ludimagistri Becziensis dilata ad seqventem Synodum propter importunas et crebras civium ejusdem loci petitiones. Crimen ejus renova-86
