Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)
Paulus Paczka de Munkacz accusat uxorem Helenam Pauli Nagi Filiam adulterii, ob qvod separari ab illa cupit, qvam ipsémét in facto deprehensit: qvae in publica conjecta vincula fuerit Liberata judicis primarii incuria. Rem idoneis testibus et proprio juramento, comprobavit, Ecclesia concessit separationem. X Elizabeth Balog de Oroszi petit divortium ab Ecclesia ob desertionem mariti Stephani Oroz, qvi plus minus qvinqvennio abest, nec scitur ubi sit. Indulsit ei Ec(clesi)a, ut juret rem ita esse. Causae in Synodo Beregzazina decisae 5 lanuarv.Anno 1957 Prima Thomas Thariska, de Újlak petit divortium propter desertionem uxoris triennalem et infamiam mortiferam sibi ab illa illatam. Res ita habet. Foemina haec absente marito aufugit ad matrem Salankinum collectis omnibus sarcinis ad se pertinentibus, nec redire animus illi fuit. Fugiens duo haec crimina capitalia demarito sparsit. 1. Qvod ille ceu Leno publicus latronibus tradere ipsam voluerit uxorem, nisi ipsa aufugisset. 2. Qvod uxoricidium exercere contenderit sclopeta vel sclopo. Istis criminibus proclamatis, maritum in discrimen capitis et vitae conjecerat. Nam in foro politico in Uylak, et secundo nobilium in Uyhel, negotium ejus ita ventillatum et communi Judicum Sententia decisum fuit, ut cum testib(us) septem juraret, se his criminibus immunem esse, et cum tribus insuper testibus comprobaret, se uxorem non abegisse. Haec si fide mediante testaretur, liberum illi foret uxorem fugitivam et mendacem perseqvi et lingva eandem infamatrice privare. Sin vero haec crimina a se jurejurando depellere nollet cum dictis 9 testibus, subeat supplicium mortis Thomas Kariska. At hic audita juris Sententia, his criminibus se purgavit juxta praescriptum Juris civilis uxorem persecutus nuspiam reperit plus minus triennio. Cognita causa aeqvitate Ecclesia voti hunc compotem fecit, hac conditione ut juret, se exeqvi voluisse juris vigorem, si uxorem reperire potuisset - juravit, et c(etera). 2. Lucas Siro maritus et Juhászné uxor de Tarpa petunt divortium propterea qvod Lucas iste non contentus vetula uxore Juhászné, vitiavit virginem Famulam propriam et cognatam uxoris Juhászné in tertio gradu: ob qvod scelus uxor cum illo non vult cohabitare. Ecclesia ignis supplicio adjudicavit maritum cum violata virgine, mulierem jure ejus liberavit, hac interjecta 60
