Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)
Acta Synodi in Musai congregatae 15 Marty Anno 1595 Prima Causa Georgius Balogh de Musaj deseruerat suam sponsam Kerezstúriensem per triennium post desponsationem, nec voluit eam in suum admittere thalamum, eo qvod non amaret. Hac re cognita parentes virginis Libertatem suae filiae impetrant ab Ecclesia, ut reliqvo tempore cui volent elocare possuit, hac tamen interposita conditione et vinculo, ut Georgius Balogh suae infidelitatis et triennalis desertionis patiatur poenam, nec fas illi sit novam ducere uxorem tantisper, donec deserta sponsa alii elocaretur. At cum testibus idoneis comprobatum esset, virginem repudiatam multos ab eo tempore habuisse +procos. nec velle illam sub viri potestatem venire vita durante Ecclesia potestatem fecit Georgio Balog transeundi ad secundas nuptias, post longas ejus inter cessiones. +Procus - leánynéző- leánykérő férfi sat(öbbi). Secunda Causa Georgius Ilosvai petivit sibi indulgentiam ab Ecclesia nubendi et in uxorem ducendi filiam Casparis Nagi de Kőlcze, qvae prius fuerat desponsata abs qve consensu parentis Stephano Szalaj de eodem Kőlcze: post non multo ex parentis instinctu virgo elocatur Georgio Ilosvaj. Prior sponsus cognita hac re citat virginem ad consistorium Ecclesiasticum utjntercedente Eccl(esi)astico jure cognosceretur utri haec nubere debeat. Ecclesia priori sponso adjudicat virginem certis de causis, cui deliberationi Ecclesiae si illa renueret, nec ad priorem redire vellet sponsum maneret innupta. At longo temporis successu intercedente prior Sponsus remittit virgini repudium videns se ab illa contemni, et alter ducere animum adjicit, hac intersposita conditione et pacificatione cum priore Sponso inita, ut Secundus Sponsus propriis sumtibus contentet Ecclesiam ex parte prioris Sponsi pro divortionali et Libello repudii ab Ecclesia Scripto. Alter sponsus multis intercessionibus suis et aliorum indulgentiam nubendi repudiatam et foedi fragam sponsam ab Ecclesia impetravit, persoluto pacificationis vinculo cum priore Sponso facto. Tertia Causa Demetrius Úr, de Bene post repudiatam uxorem propter manifestum adulterium et desertionem fugamqve clanculariam cum sceleratis qvibusdam juvenibus in Sylvis. Passim oberrantibus, petivit indulgentiam nubendi ab Ecclesia, qvae illi concessa est, causa ejus diligenter per certos testes cognita. 52
