Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

Ilii. Filia Joannis Fazekas de Salánk petit separationem a suo sponso Joanne Rácz propter adulterium cum Ruzká Ruthena commissum, ob qvod virgis etiam caesus est. Eccl(esi)a indulsit.

V. Uxor Michaelis Cismasi cupit liberari vinculo mariti propter triennalem desertionem infidelem. Eccl(esi)a indulsit.

VI. Conjux Pauli Varga Korodiensis petit liberari e vinculo mariti praefati propter infidelem desertinem triennalem. Eccl(esi)a indulsit hac conditione, ut mulier juret. Et c(etera). Maritus manebit in vinculo.

VII. Joannes Pankotaj de Nagy Musaj petit divortium a sua conjuge nobili Zirmaiensi. Eccl(esi)a indulsit propterea, qvod ex nobili prosapia oriundam fefellit praetexta nobilitate sua rusticus existens. Joannes Pankoj maneat in vinculo, conjux nubat cui volet.

VIII. Uxor Stephani Pap Beneiensis petit libertatem divertendi a suo marito propter desertionem diutinam, qvo profectus ad castra militaria dieitur occubuisse, neqve spem de ejus reditu ullam superesse. Ecclesia concessit, ut juret mulier sic rem esse. Et c(etera).

IX. Gregoriis Vagi de Beregzaz uxor qveritur de infideli absentia qvinqvennali mariti, qvi ab eo tempore absens, nullo subsidio debito sustentaverit uxorem. Eccl(esi)a concessit ei libertatem, hac conditione, ut juramento comprobet causam propositam mulier.

X. Michael Toot de Beregh cum sua conjuge comparens coram nobis fassus est suam impotentiam naturalem ad matrimonium, ob eamqve conjux ejus petit separationem eo qvod ab octennio nulla inter eos intercessit copula carnis. Eccl(esi)a consulit foemina hac conditione, ut fide mediante confirmet mariti inhabilitatem. Et c(etera).

XI. Michael Marton de Zőlős et Czetfalva petit libertatem transeundi ad secundas nuptias propter adulterium conjugis et sui ipsius. Eccl(esi)a concessit hac conditione, ut uterqve dignum facti nefandi accipiat praemium.

XII. Pauli Kalocziaj de Gecze uxor petit libertatem alii nubendi propter infidelem desertionem mariti triennalem plus minus. Ec(c)l(esi)a indulsit.

XIII. Paulus Hegi Tarpensis petit libertatem divertendi a sua conjuge adultera. Eccl(esi)a concessit, ut juramento comprobet adulterium suae conjugis.

XIIII. Michael Kozma de Feiercze et conjux ejus comparates, petit conjux liberationem vinculo mariti adulteri. Eccl(esi)a concessit et c(etera).

15. Stephanus Mester Dávidháziensis petit libertatem transeundi ad secundas nuptias propter adulterium conjugis suae. Indulsit Ecclesia, sic, ut juramento testetur maritus adulteram esse uxorem.

116