Matricula Universitatis Tyrnaviensis 1635-1701 - Fejezetek az Eötvös Loránd Tudományegyetem történetéből 11. (Budapest, 1990)
Táblázatok
3 Si ullus hactenus annorum superiorum propitius erat huic Gymnasio annus, elapsus certe 1635 annus omnium maxime erat et propitius et memorabilis, ut pote et numero Juventutis Studiosae et nobilitate eiusdem, et diligentia tam docentium, quam discentium longe celeberrimus. Hoc enim 1635 anno, tandem felicibus super auspiciis novam Universitatem elapsis seculis in Ungaria inaudita Eminentissimus Princeps Petrus S.R.E. Cardinalis Pázmány, Archiepiscopus Strigoniensis hic Tyrnavia auspicatus est. Datum initium Studiis Academicis 13 Novembris maxima Principum virorum et nobilitatis Ungariae frequentia, cum iam antea die 3 Novembris scholae inferidres a Rhetorica inchoando in suum redactae fuissent ordinem. Die porro Instaurationis Academiae itum erat solemni Academicorum, Graduatorum et Studiosae Juventutis comitatu, cum Magnifico Academiae Rectore (qui erat P. Georgius Dobronoki) e Collegio Societatis ad Templum Cathédrale S. Nicolai, ut ibi decantato per Eminentissimum Fundatorem de Spiritu l Sancto pro felicibus initiis Sacro Sancto Missae Sacrificio; litterae Fundationis et Confirmationis Academiae, ab eodem Fundatore Rectori Academico, et per eum toti traderentur Societati. ; Post quarum litterarum traditionem, dixit e suggestu P. Thomas Jazberini Primus Philosophiae Decanus, et Theologiae moralis Professor fuse et dilucide ostendens hactenus Nationi Ungaricae ad felicitatem nihil aliud defuisse, quam publicam studiorum Academicorum erectionem. Finita oratione deductus est Eminentissimus Fundator e templo ad Aulam, quemadmodum ex Aula deductus fuerat ad Ecclesiam, praeeunte Rectore et Magistratu Academico Annus 1636
