VJESNIK 20. (ZAGREB, 1918.)
Strana - Sveska 4. - 264
264 sein welle. Auch dieweil sy mit Grundt vnnd Poden nicht versechen vnnd souer man innen nichts gibt, so ist nichts annderst von innen als Geferligkhait zw erwarten, soliches alles wellen E. Gn. vnnd Freundt schafft erwegen vnnd sy also mit ainer Furstrekhung bedenkhen Weiter so schreib ich auch der khn. Mt, wie sich Muradt Way woda nun zw zwayen mallen besambelt hat zw Ross vnnd Fuess vnnd sich vnndersteen wellen, dises Landt zw vberfallen, aber pissher nicht mugen, Vrsach des grossen Schnees, Vngewker, Wint vnnd Khelte halben, aber souer der Schnee aügeet, ist zu uermueten, er wierdet das Lanndt anhaimb gesuecht nicht lassen sonnder sich vnndersteen, mit Ho res Crafft zw vberziehen vnd zu uerprennen. Nachdem etlich Khundt schafften lauten, .auch mir die Thurkhen, so yezo ir Schätzung herauss bringen, anzaigen, das er sich hören hab lassen, er well besechen vnnd di Cristen haimbsuechen, so vertl des Wascha aus Wosen vnnd seinen • Verwalter haimbgesuecht vnnd erlegt haben. Ruef vnnd pit darauf di khn. Mt., nachdem di Greniz ploss vnnd vnbewart disser Zeit sein, mit Hilf Fursechung. genedigklichen zw bedennkhen vnnd Verordnung zw thun. Wiss auch E. Gn. vnnd Freundtschafft, das ich mich gern zw E. Gn. yezo hinauf verfuegt hete, so bedennkh, ich sey vill nutzer herinden alss oben, dan ich will.euch nicht verhalten, das mir an heut dato Khundtschafft abermals zwkhumen, wie ain Hör Thurkhen gen Vdwin ankhumen sein sollen, wiewoll ich acht solich Thurkhen haben allain Profanndt gen Vdwin gelegt vnnd pracht, aber niemandt wais zw was Stundt es etwas furfelt, dan ich hab Sorg, dieweil Muradt Wey woda dermassen nicht feyert sonnder in Eebung steet, dises Lanndt zw vberfallen, er werde zw Ross vnnd Fuess aufmachen vnnd zw Ross, so weit er wiert nur mugen, raiten, nachmals di Ross steen lassen vnnd sich zw Fuess erheben. In ainem Tag vnnd Nacht sich vnndersteen ain Gegennt zw vberfallen vnnd widerumben sich zw den Rosen machen, also seinen Abzug nemen, wiewoll ich allenthalben Khundtschafften auf Zenng vnnd annder Eenden vnnd Orten geschikht vnnd versechen in Hofnung, er soll vnuersehenner Sach nicht ankhumen noch das Lanndt vberfallen. Thue mich darauf E. Gn. vnd • Freundschaft in aller Ge horsamb beuelhen. Datum Maichav, am lezten Tag Januari, anno im XXXIII. Hannss Buchler, Verwalter der obristen Veldhaubtmanschafft Steyr. Knernndten vnd Crain. C иоља: Den hoch erwirdign, wollgebornnen, gestrenngen, edlen, fursichtign, ersamen vnd weisen etc. ainer ersamen Landschafft des Hertzogthumbs Crain, so am Montag nach vnser Frawen liechtmestag