VJESNIK 19. (ZAGREB, 1917.)
Strana - Sveska 1. i 2. - 113
113 termen obem partam, veleći rečeni Žverbija, da mu se napuni senten cija, da je sada Jakova pozval na termen, da mu da njega blago i da mu odgovori pred pravdu. I reče satnik, da ga je pozval po zakone od mesta, a rečeni Jakov ni kunparil na termen odgovorit ni prit na pozov. Razumejući počtovani s(ve)t tužbu i termen dekretan do obih sadanjih pravad i da ni kunparil odgovarat, sentencijaše rečenega Ja kova, da ima dat rečenemu Žverbiju svoje blago sa vsaku koristju, ča bi mu moglo valjat i prit, i v špendije, ohranivši Jakovu termen jedan mesec od sada, da kunpari užat svoje pravice. U Veprincu, 7. prosinca 1599. Jakov Cohilj javlja, da će braniti svoje pravo proti Matiju Žverbiji i moli novi rok. U dan 7. decembra 1599. pred županom više imenovanim i sta rejeml v kašteli Veprince v kuće mene nodara niže pisanega na da našnji dan Jakov del svoj pravic uža reć i prošaše termena i daše njim termen do trih kfalji, da se oće Jakov sa vsimi pravicami dopripravit sa vsakim boljim putem i pravicu. Jakov apela ove sentencije pred vseh starih i pred g(ospo)d(i)na. U Veprincu, 16. studenoga 1599. II. 26. Općina vepriuačka uredjnje puteve od vrha Zatke do Vrutaka. U dan 16. novembra 1599. v kašteli Veprince v stole pravdenom sedeći poč(tovani) župan Bartol Puližanac, sudac Matej Polić, ordinariji, i ostali svetniki kaštela Veprinca, čineći pravdu. Pred kih pride tužba, da su njih komunitadi zaprte i da se ne more od verha Zadke dole do Vrutak pojti poli dragu ni k vodam. Počtovani više spomenuti i s njimi komunšćak Sebe Velac pojdoše na lakove deferencije i najdoše, da je Luka Orbanić veliko komunitadi va verh Zatki zagradu, ča mu nj dano od komuna, i najdoše, da je na komunitad posegal veće nere mu je dano, i storiše put poli dragu i ondi mu vzeše, kuda put "more bit, i daše mu se više pomaknut po komunitadi. Veće idoše li na drugu deferenciju poli Vrutak li tega Luki i najdoše, da je veće rečeni Luka ogradil ner mu su bili dali od ko muna, i ondi najdoše, da je rečeni Luka zaprh da se ne more prohajat v njegovo i Lasićevo, i onde mu malo više činiše, da pomakne graju i da bude put k Vrutkom, v njegovo i v Lasićevo, i daše mu, da se više pomakne na komunitad, koliko put storiše.
