VJESNIK 18. (ZAGREB, 1916.)

Strana - SVESKA 2. - 153

153 Valachos nulla inquies nullusque tumultus exoriatur. Quam ob causam nos Sclauoniae vice generali domino Preiner proprias scripsimus litteras, quatenus ille in omnibus reuerendissimae dominationi vestrae assistât, ut praetacta installatio Pauli Zorich eo securius et sine strepitu Valačhorum peragi possit. Qua in re reuerendissima dominatio vestra in tempore, cum domino Preiner ad hoc negotium quam optime instituendum correspondebit. Qualiter porro huius negotii adimpletionem sacra caesarea maiestas clementissime intendit, ita nos eiusdem actualem executionem proxime expectamus. Et his interea at alias reuerendissimae dominationi gratis obsequiis et amicitiae beneuolentiaeque exhibitione bene affecti permanemus. Graecii, 5. decembris 1670. Sacrae caesareae maiestatis nec non Vngariae Boemiaeque regis hic praesentes intimi consiliarii, uti et Interioris Austriae prouinciarum aulae bellici consilii praeses et consilium. Na istoj strani u kraju, drugom rukom, piše: Fratri Martino Borkouich, episcopo Zagrabiensi. Original. Epistolae u nadb. arhivu. XXXIV. Sv. Ivàn, 1. januara 1671. Pavle Zorčić piše biskupu Borkoviću o prilikama u marčanskom vladičanstvu. illustrissime et reuerendissime domine, domine ac patrone gratiosissime, salutem meaque humimillima obsequia. Ante festum Natiuitatis Domini scripsi litteras illustrissimae et reuerendissimae dominationis vestrae, utrum peruenerint uel non, exinde non scio, quia nullum responsum hucusque habere potui, in quibus conamina et acta presentis negotii calugerorum schismaticorum, uti potui descripsi, iam autem aliter res se habet, siquidem quemadmodum furor illorum repente fuit accensus propter ćaptum vladikam ita nunc repente euanuit, postquam audiuerunt, esse captum, propter rebellionem, ita ut uix aliquis pro illo unicum uerbum uult dicere, consanquineis exceptis et strictis amicis. Quapropter de illo nec populus aliquid curat nec ipsi calugeri, sed omnes de nouo vladika loquuntur. Itaque illi duo calugeri, quos in prioribus litteris Viennam profectos fuisse scripseram (sic enim audiui) Viennam non iuerunt, sed tantum ad vice generalem Capronczam, sciscitandi gratia de sua securitate et monasterii, siquidem ualde timebant, mordent mala conscientia. Ubi responsum securitatis obtinuerunt et ut intellexi licentiam congregandi principaliorum Vala-