VJESNIK 18. (ZAGREB, 1916.)

Strana - SVESKA 2. - 124

124 XI. Beč, 24. januara 1662. Arhimandrit Simeon Kordić preporučuje se zagrebačkom biskupu Petretiću kao kandidat za srpskog vladiku, obećava, da će uvesti uniju i podići škole, da se omladina vaspita u unijatskom duhu. Illustrissime ac reuerendissime domine, domine fautor gratiosissime. Nouit illustrissima ac reuerendissima dominatio vestra et benigne recordabitur, qualiter sacratissima caesarea et regia maiestas felicissimae reminiscentiae Ferdinandus Tertius superioribus temporibus, in anno uidelicet domini 1652., mihi tunc priori conuentus lippauiensis, ordinis Sancti Basilii Magni, prouincialatum siue functionem archimandritae inter religiosos ordinis praenotati in partibus regnorum Croatiae et Schlauoniae commorantes, clementer contulerat (cuius cöllationis siue etiam donationis copiam illustrissima ac reuerendissima dominatio vestra sibi a me tunc describi curauerat). Ea tarnen conditione. ut pro iuuentute valachica Scholas in contermino claustri lippauiensis exstruerem et erigerem, ubi cultus diuinus doctrina christiana et disciplina morum excoleretur, quod ego secundum meam paupertatem et inopiam libenter ex animo pridem fecissem, nisi mihi Szaua Sztanislauich, vladica hac in parte, semper hactenus summe contrarius fuisse. Nunc uero cum per mortem et defectum dicti contrariantis mei Szauae Sztanislauich, vladicae, eiusdem episcopatus uacet, accepta ab excellentissimo domino comité generali varasdinensi, uti ex aliis earundem partium confiniariis officialibus honesta recommendatione ad suam maestatem caesaream et regiam sollicitandi dicti episcopatus gratia Viennam accessi. Hoc tarnen sine ordinario meo vestra scilicet illustrissima ac reuerendissima dominatione taceo facere, uerum nec incipere, sollicitare uolui. Quare illustrissimae ac reuerendissimae dominationi vestrae humillima qua possum subiectione supplico per praesentes, dignetur iurisdictionali sua gratia me clementer complecti et pro eodem episcopatu sacratissimae caesareae et regiae maiestati illustrissimoque domino cancellario regni Hungariae ac aliis principibus me recommendare : quo obtento etiam conditionem donationalem in collato mihi prouincialatu insertam, meum nimirum semper hactenus in erigendis et instituendis pro iuuentute valachica scholis intentum liberius tandem in effectum deducere possem, ne in demortui vladicae locum similis alter priori, qui me pariformiter ab hoc laudabili et ad christianae reipublicae incrementum utilissimo opere arcere possit, sufficiatur et substituatur. Ipsemet autem personaliter ad illustrissimam ac reuerendissimam dominationem vestram pro dicta recommendatione supplicatum uenissem, nisi hic casus mecum contigisset. Ascenderarn nimirum in certo alio negotio ad excellentissi-