VJESNIK 18. (ZAGREB, 1916.)
Strana - SVESKA 2. - 116
116 Praetactus Maximus Pietrouich, accepta ab antelato gloriosae memoriae imperatore et rege Ferdinandu Secundo super prefato episcopatu nouo, sub nomine vretaniensi fundato, donatione sibi data, Vienna in Sclauoniam et monasterium pretactum Marcha dictum rediens, non iuit Romam ad pontificem nec aliquem nuncium loco sui pro praesentatione facienda, pro confirmatione et consecratione obtinenda misit, quin potius corosa et accepta a Valachis schismaticis pecunia, perrexit in Turciam, ad quendam Bulgariae archiepiscopum in Peech (ut ipsemet coram eodem exponente retulisset) residentem et ab eodem confirmationem et consecrationem accepit, cui etiam fidelitatem iurauit, super eo, quod ipsemet in schismate permanebit, clerum et populum, quem suum praetendit esse, in eodem schismate conseruare et per sacerdotes suos conseruari studebit. Cui etiam idem archiepiscopus dicitur dédisse potestatem super Valachos siue Raschianos, non solum in regno Sclauoniae et Croatiae sed etiam in Styria et Hungaria residentes. Haec ex literis a praetacto archiepiscopo per eundem Maximum super confirmatione et consecratione acceptis, idem dominus exponens patere aiebat, vnde Valachi in praetactis prouinciis locati, antelatum Bulgariae archiepiscopum pro suo patriarcha haberent et agnoscerent. Quod domini Styriae, Hungariae, Sclauoniae et Croatiae praelati non solum pro iniuria sed etiam pro ignominia sibi ducere ac imputare ac huic rei non solum contradicere uerum etiam omnibus licitis et honestis modis resistere deberent. Qui Maximus pr'out iurauit se in schismate cum orientali ecclesia permansurum, ita etiam nunc una cum clero et populo praetenso suo permanet, ut ipsemet coram reuerendissimo exponente, feria sexta proxima post festum Ascensionis Domini anno eiusdem millesimö sexcentesimo quadragesimo, fassum fuisse mandauisset, ex relatione etiam aliorum fidedignorum pateret et quidem sequentia coram domino exponente référendum, quod idem Maximus Pietrouich, Valačhorum praetensus episcopus, tam clerum quam populum suum praetensum prohiberet, ecclesias catholicorum frequentare, conciones audire, sacramenta a sacerdotibus catholicis percipere et quod talia sub anathemate prohibuisset. Item catholicos pro haereticis et excommunicatis et pontificem quam antichristo haberet catholicosque in medio Valačhorum schismaticorum habitantes nunc his nunc illis modis, praesertim diuortiis ad schisma perduceret. Praetensus talis episcopus in episcopatu catholico zagrabiensi constitui suusque episcopatus vretaniensis, canonice sine consensu pontificis, Hungariae primatis et archiepiscopi colocensis, episcopi etiam zagrabiensis, uti praemissum est, fundari non potuit, contra Ordinationen! canonis, infra citati, qui canon in una dioecesi duos episcopos creari prohiberet. Nam et si alter ob necessitatem urgentem creari extunc ab episcopo ordinario dioecesano creari et constitui deberet illeque respectu episcopi ordinarii vicarius uocari et eidem ordinario episcopo obediens
