VJESNIK 16. (ZAGREB, 1914.)

Strana - 85

85 Creyri gethan, genedigist zuuernemen. Was mir jetzo gleych widerumben für drey vnndterschidlich Khundtschafft-Schreyben auss Dalmatia zuekhomen, haben E. E. Durchlaucht auss den Einschluss B., C. vnnd D. genedigist zuempfahen. Darauff ich aber mein vorige villmalen notturfftige Vermanungen, zw der armen crabattischen Granitzen annderst sehen zulassen, nichts weytters furzubringen wayss, als wo Wihitsch, Repitsch, Hrasstouiz vnnd Sj^ssekh nitt jetzo in disen Monadt May mit Volkh, Geschütz grosses vnnd khleines, sambt denselben zuegeherigen Munition, vnnd anndernhanndt Khriegsrüstungen (will gleich ietzo in der Eyll der Gebew geschweygen) notturfftiglich besezt vnnd versehen, das ime nuer khein Mensch vnndter der Sonnen gedenkhen darff, das sich einer oder der andere Orttflekhen, welcher darundter angriffen wierdett, erhalten möge, sonnder sy muessen also wissendtlichen mitt grossen Herzlaydt sambt den gantzen Lanndts Chrabatten noch dits Jars in der Feindt Henndt khomen. Wie es alsdan vmb E. E. Durchl. etc. zw negst anreinunde Fursthenthumben vnnd Erblanden, vnnd den getrewen Lanndtleutten vnd Vnnderthanen sambt yrem Weyb, Khindern, Hab vnnd Guett zw höhster augenscheindlicher Gefarde vnnd Verderben ein Gestallt haben wirdett, das ist derselben nun zuuillmallen vnndterthanigist furbracht worden, dabey ichs der Warheytt nach nochmallen perurn lassen. Zw Gott dem Herren der trostlichen Hoffnung, wo nuer dise obuermelte Orthauser vor des Feindts Angriff mitt Volkh vnnd anndern, wie vorgemeldt, notturfftikhlichen versehen wurde, die Feindt wurden sich hart darumben annemen oder ob sy sich je erzeygetten, so wurden sy sich mitt Gottes Hilff mugen erhalten. Beschliesslichen ist E. E. Dreh. etc. noch zuuor von Herrn Lenkhowitsch, von wegen das sich jetziger Haubtman zw Wihitsch Georg Khrannschall des Schadens halben, so er verschinens Jars von den Turkhen empfangen, vnnd dan darüber seiner zuegestanden schwären Schwacheytt halben von Wihitsch auff Görtz zw den Artzten ziehen hatt müssen, vnndterthanigist zw wissen gethan worden. Daruber E. E. Drchl. etc. peuelchen, jemanndts anndern piss er sein Gesundt erholett, dahin zuordnen. Darauff mitt einen Mory Mathiasch genanndt, so einer ehrsamen Lanndtschafft zu Creyn pestalldter Haubtman vber ire prouisionierte Puchsenschutzen, die sy an statt des dreyssigisten Mans in Wartgeld halten, souill gehandelt worden, das der sich auff drey Monadt hinein pewegen hatt lassen, der Hoffnung, gedachter Khrannschall wurde sich in der Zeytt erhollen mugen. Was mir nun eruenndter Khrannschall widerumben zuegesehneben, hatt E. E. Drchl. etc. auss der Copy seines Schreybens mitt E. genedigist zuuernemen, darüber ich den Herren Lanndtsverweser in Creyn, Herren Jobsten von Gallenberg Ritter gebetten, mit Lienharrten Poschen, so ein ehrlicher red-