VJESNIK 16. (ZAGREB, 1914.)

Strana - 41

41 nobis claie sub pendenti sigillé- in specie exhibitis et oblatis approbarunt, supplicantes maiestati nostre iidcm magister Nicolaus archidiaconus et Maryan in personis prefatorum nobilium atque tocius universitatis prefati districtus Policensis, ut de nostra regia clemencia ipsos et illam communitatem tocius districtus in ius, dicionem, regimenque et patrocinium nostrum, ac ad fidelia servicia nostra et sacre regni nostri Hungarie corone recipere et reassumere atque ad corpus regni nostri et in cetum aliorum fidelium nostrorum reanumerare, ipsosque et eorum quemlibet pro qualitate meritorum gracia nostra regia et favore prosequi dignaremur. Nos itaque, cuius interest, ex suscepti regalis dignitatis officio iura sacre regni nostri Hungarie corone dispersa colligere et pia liberalitate etiam exterorum animos ad nos et devotionem nostram excitare, devotis supplicacionibus ipsorum favorabiliter inclinati pretactos nobiles et alios cuiusvis condicionis hoinines prefati districtus Policensis totamque communitatem illorum simulcum terris, districtu, necnon tenutis, possessionibus, rebusque et bonis eorum mobilibus et imobilibus in ius, dicionem, patrociniumque et defensionem nostram atque ad fidelia servicia et sacre corone regni nostri, sed et numerum ac cetum ceterorum fidelium nostrorum acceptavimus. ascripsimus et et anumeravimus, acceptamusque, anumeramus et perpetuo ascribimus, et ex mera nostre régie clemencie liberalitate eisdem universis nobilibus et alterius cuiusvis status et condicionis hominibus prefati districtus Policensis, capitibus quoque necnon castris, castellis, possessionibus, portionibusque et iuribus possessionariis, necnon rebus et bonis eorum quibusvis, super omnibus illis delictis et excessibus, quod ipsi vel alter eorum contra predecessores nostros reges Hungarie, contra nos quoque et régna ac regnicolas nostras hactenus commiserunt, graciam et misericordiam facientes bas infrascriptas concessiones et provisiones graciosas duximus eis faciendas. Primo deputavimus nobilibus possessionatis prefati districtus pro annuo subsidio singulos quadringentos florenos de caméra fisci nostri regalis annuatim circa festum beati Michaelis archangeli dandos, et quia dicuntur plures esse inter eos, qui licet ad servicia nostra regia apti forent, propter tarnen defectum facultatis servire non possent : ideo nos talibus ad servicia nostra paratis et expeditis deputavimus annuatim centum florenos, quos homo vel nuncius ipsorum, quem ad id communitas prefati districtus deputaverit, tollere debebit. Si vero prefata communitas nobilium maiestati nostre et sacre regni nostri corone, uti promiseiunt, fidelitatem debitam, ad quam astricti sunt, observaverint. nos eis talem disposicionem faciemus, quod possint pro defcnsione prefati districtus gentes conservare. Item quod omnia iura, literas, privilégia illorum, quas et que super quibuscunque possessionibus et bonis eorum hereditariis extra prenotatum districtum Policzensem sub nostra dicione et in pertinenciis nobis et corone nostre