VJESNIK 16. (ZAGREB, 1914.)

Strana - 311

311 bude, vu koju ladicu vsaki po grošu vu svojem stanovitom vremenu budu postavlali na obćinsku svoju hasen i potreboću. Artikuluš Treti. Vsaki fertalj leta iliti quatre vu petek naimre po istom bia

rušu iliti mladenceh, detičeh jedna sv. meša na hvalu B. D. M. vu nebo priete pri oltaru iste Bogorodice za žive i mertve brate, mladence služiti dati se ima, kade vsaki detič vu persone do konca iste meše, pod kaštigu i biršag groši pet, biti i ostati dužen bude. Artikuluš Cet er ti. Vsaki detič oslobogjen i svoja drobna leta dosluživši, vu ladicu detičku pervo nego mu se artikuluši prešteju, i navuk od Attiameštra i dekana prime, novac 16 postaviti mora, i potlam pri maistoru onom, kade se je zvučil za do

stoinu plaću čez jedno leto meštriiu tirati, i za detiča ostati obligeran bude, ako go

spodar njega deržati potreben bude. Koji kada spuni leto, ako vu druge orsagov i provincih varaše zbog zroka meštriu zveršeneše spoznati, ali jezike navučiti se, oditi bi hotel, vzemši oproščenje od gospodara, i drugeh meštrov ceha, sproseći si tulikaiše zverhu navuka svojega Testimonialeša, bašuša i preporučnoga lista, koteroga njemu ceh iz vere i pravice dati dužen bude, slobodno oditi more. Artikuluš Peti. Ako bi koi detič od drugod simo došel vu ov plemeniti varaš, da ima k ocu detičkomu poiti; onda pak otec z detičem k cehmeštru dozvavši k sebe dekana, z dvemi mladenci imaju gospodara poiskati; ako bi mu se pako gospodar vu ovom plemenitom varašu Koprivničkom ne mogel naiti, onda detič takov ima se k ocu povernuti, i dužen ga je otec detički hraniti, i postelju mu deržati. Zveršivši sedem dni dužen' je ocu šest novac, a vu ladicu detičku tri novce postaviti, i on ak poide k go

šponu ceh meštru, i cehmešter tuliko dni bude ga moral hraniti i postelju mu deržati. Spunivši četirinaist dni, bude dužen dekan detiče skup spraviti, i od njih detič takov bude stroška prosil, kojega njemu dati dužni budu, s kojem bi od varaša pošteno odvandrati mogel, tak i pod te red da im takov detič zaklad vu detičku ladicu postaviti. Artikuluš Šesti. Ako bi se koiemu detiču beteg pripetil i nemal bi se sčim prigledati, vu betegu takvoga detiča dužen je dekan svoiemi detiči marlivo prigledati, i z ladice detičke na njega trošiti, doklam ozdrave; on pako detič ako bi ozdrave!, kada bude mogel, dužen bude takove stroške vse naplatiti; ako bi mu se pako smert pripetila budu mogli detiči vse njegovo po jurisdikcie ovoga varaša prodati, i ovak po

šteno k matere zemlje spraviti, i vse svoje stroške iz substancije pokoinoga od pleme

nitoga magistratuša sebi nadomestiti, i vu ladicu detičku lonifecerati prosili budu. Artikuluš Sedmi: Nijeden detič med ove meštrie detiče, ako on svoja drobna leta dostoino ne zvučil se i dostal, item ako bi stranski bil, ako svoi pošten list zverhu navuka svojega biarušu ne preda i za vrednoga se ne zpozna, ter ako on prave verc keršćanske katoličanske naslednik neje, vu društvo i paidaštvo detičev ovdešnjih prieti i zapisati se nemre. Artikuluš Osmi: Koj goder detič iz prevzete hmainjosti i hotenja grešnoga ludomorstvo bi vučinu, ali vu drugom kakvom odurnom činu zapopagjen bil, takov prez vsake milošće i odlačenja zmed detičev za van isznetoga i izhićenoga naj se ima on hip. Atikuluš Deveti: Kada atijamešter zbog kakovoga goder zroka (kak je na

vada) mladence ili detiče skup pozvati vučini; zmed njih koj goder detič na pervo vu

činjeno pozvanje znikakovem pravičnem zrokom nezaderžan nebi došel, takov pol funta voiska iliti groši šest nai plati. Drugi put cei funt iliti groši dvanaist i potlam tretič ako nadalje vu biaruš doiti nebi hotel, taki i on hip od bratinstva i društva detičev nai se zverše tak dugo, doklam volje atia meštra i drugeh detičev zadovolno vučiniti, i sebe zveršeno prilagoditi ne bude se tersil, i za ovakove svoje falinge i pregrehe dužnu za

dovolšcinu i naplaČenje ne vučini. Artikuluš Deseti: Ako koteri detič, kada je biaruš vez skupa spraven, proti drugomu detiču reči obšanosti, nepoštene, ili sramotne izreći bi se pripetil, i podstupil,