VJESNIK 16. (ZAGREB, 1914.)
Strana - 298
298 tiae, Sclauoniae, Ramae, Seruiae, Gallitiae, Lodomeriae, Cumaniae, Bulgariaeque etc. rex, archidux Austriae, dux Burgundiae, Brabantiae, Sthyriae, Carinthiae, Carniolae, marchio Morauiae, dux Lucemburgae, ac superioris et inferioris Silesiae, Wirtembergae et Thekae, princeps Sueuiae, comes Habspurgi, Tyrolis, Ferreti, Kyburgi et Goritiae, landgrauius Alsatiae, marchio sacri Romani imperii supra Anasum Burgouiae, ac superioris et inferioris Lusatiae, dominus marchiae Sclauonicae, portus Naonis et Salinarum etc., memoriae commendamus tenore praesentium significantes quibus expedit vniuersis, quod fidelis noster prudens ac circumspectus Marcus Chmahor, judex ciuitatis nostrae Kaproncza nominibus et in personis exhibuit et praesentauit nobis quasdam literas sacratissimi quondam principis domini Maximiliani secundi, Romanorum imperatoris, ac Hungariae, Bohemiae etc. regis, domini et genitoris nostri obseruandissimi foelicissimaë memoriae, in pargameno priuilegialiter confectas, sigilloque eiusdem secreto, quo ut rex Hungariae utebatur, impendenti et propriae manus suae maiestatis subscriptione communitas, quibus mediantibus sua maiestas paterna quasdam alias literas Serenissimi quondam principis domini Ferdihandi, similiter Romanorum imperatoris, ac Hungariae et Bohemiae etc. regis, domini et aui nostri colendissimi sanctae memoriae, priuilegiales, continentes in se confirmatiue tenores quarundam literarum serenissimorum quondam principum dominorum Matthiae, Sigismundi et Ludouici, regum similiter Hungariae, predecessorum nostrorum bonae memoriae, praefatis ciuibus et inhabitatoribus annotatae ciuitatis nostrae Kaproncza, super certis libertatum atque immunitatum eorundem praerogatiuis emanatarum, confirmasse dinoscebatur tenoris infrascripti. Supplicatum itaque maiestatis nostrae praefatorum vniuersorum ciuium et inhabitatorum dictae ciuitatis nostrae Kaproncza, quorum supra nominibus et in personis, extitit humiliter, quatenus memoratas literas dicti quondam domini genitoris nostri priuilegiales, ac omnia et singula, in easdem contenta, ratas, gratas et accepta habentes, literisque nostris priuilegialibus de verbo ad verbum inseri et inscribi facientes, approbare, roborare et ratificare, ac pro praefatis vniuersis ciuibus et incolis iamfatae ciuitatis nostrae Kaproncza, ipsorumque posteris et successoribus vniuersis, innouando perpetuo valituras gratiose confirmare dignaremur. Quarum quidem literarum paternae maiestatis tenor talis est: (Slijedi listina kralja Maksimilij ana od 31. prosinca 1571., a zatim se nastavlja ovako:) Nos igitur huiusmodi humilima supplicatione pro parte et in personis praefatorum iudicis et iuratorum caeterorumque vniuersorum ciuium et incolarum dictae ciuitatis nostrae Kaproncza nostrae modo quo supra porreçta maiestati, regia benignitate exaudita clementer et admissa,
