VJESNIK 16. (ZAGREB, 1914.)
Strana - 143
143 Menga Vakera iz Galižane za libar 5, kih libar 5 je skupil Matij Čupić Franku Tananaju, i budući šal rečeni Franko put od Galižane tirati rečenoga Menga rečenih libar 5, a on mu da u kući svojoj u Galižani rečeni Mengo libre 3, a za ostanak, ča su 2 libre, da će ga čekat, kako se meju sobum pogodiše. Na drugu stran odgovarajući rečeni Franko reče, da ne daj bog, nego da mu je va te tri libre dal 2 klobuka. Na drugu stran reče Mengo, da mu je daroval rečene klobuke, kako pokaza muži, ki su onda bili meju njimi i zarečeni. Tako razumivši mi počtovani oficij tužbu i odgovor jedne i druge strane, tako odlučismo i sentencijasmo, da je Franko plaćen od duž nika i od poruka, tako po kih dob je se platil od Menga, da ima dat rečeni Franko Matiju Čupiću rečenih libar 5 i vse špendije, ke su uči njene do današnjega dne, sakim boljim putem i pravicu i staveći penu rečenomu Franku, da ima kuntenat rečenoga Čupića za rečeni dug i za špendije libar 25 u tirmene dni 8. A rečeni Matij pohvali rečenu sentenciju, a Franko apela pred g(ospo)d(i)na kapitana. U Veprincu 19. studenoga 1590. II. 26. Sud veprinački rješava parbu izmedju Petra Puhara i Martina Marica radi duga. U dan kako zgora (19. novembra 1590.) Pred zgora imenovanimi prituži se Petar Puhar na Martina Marica, da ga je jur trikrat pozval pred oficij za niki račun, ki imaju meju sobu. Tako mu ni prisai od govorit ni na treti pozov. Tako ga sentenciju(je)mo rečenoga Martina v dug i špendije, ke su učinjene i dasmo ratnika Petru, da ga kun tena od Martina. U Veprincu 20. studenoga 1590. II. 27. Sud veprinački procjenjuje i prodaje kuću Žuvana Kotača za dug i odsudjuje neke ljude, da plate štetu županu Petru Mohoriću, koju su štetu učinili njihovi konji na njegovu žitu. U dan 20 novembra 1590. budući poslan od oficija župan Šimun Grizilić, sudac Matij Livin od leta sudac i sudac Jerolim Škapčić i satnik Matij Vidović, da gredu štimat kuću Žuvana Kotača, a to za dug, ki je dužan Mateši Žaladiji na Riku, i budući dal rečeni Žaladija 10 dukat Franku Tananaju u toga Kotača i budući rečeni Franko činil štimat kuću i štimaše ju ti muži zgora imenovani do svoje kušencije dukat 11 i vrt, ki je v lazih. Ne mogući kuća platit stercem, tako pri zesmo, a da zame is kuće rečeni Kotač vsu pohišćinu, samo da ostanu daske na podu i krov, a sterca da se plati, štimaduri i kancilir, *
