VJESNIK 16. (ZAGREB, 1914.)
Strana - 136
136 da najde saki jednoga muža, ki jih deštrigaju, ča more prit na tih 5 dukat intrade. Tako ih deštriga župan Lovreč i sudac Matij Livin, da mu da sedmo Franko od litine, a kada mu napuni rečeni Ivan dukat 10 Franku, da mu se veće Franko ne pača v poses, a trejset manje jedan dukat, ča je još cena posesu, da mu plaća, kako su meju sobu učinili. I to odlučismo sakim boljim putem i pravicu. U dan kako zgora prituži se pred nas zgora imenovanih Juraj Vidović a to na Matija Trunčiju, a to zaradi jedne vrtače, ka je poli put komunski, ki gre na Slatinu, poli put košćic kosnih, a govoreć rečeni Juraj, da su ju bili dali njegovomu stricu Bocanu. Od komuna župan Ivan Kadmen i sudac Petar Travica i komunšćak va to vrime župan Lovreč Cupar. Razumivši mi počtovani oficij tužbu zgora imenovanu, na drugu stran odgovarajući Matij Trunčija, da je bila rovina, kada je on na nju postupil i da su mu ju dali od komuna, razumivši odgovor mi počtovani, tako odlučismo i obnajdosmo, da je prvo bila toga Bocana, tako ju i sada dajemo Jurju Vidoviću, a Matij zgora imenovani, ako je ča komu dal, da ga pita. I to odlučismo sakim boljim putem i pravicu. Rečeni Juraj pohvali sentenciju, a Matij apela do g(ospo)d(i)na kapitana prišastva. U dan zadnji juleja. Budući jedna deferencija meju Frankom Ta nanajem i meju Ivanom Tunpićem, a to zaradi jednoga skopča, ki skopac je zginul Franku zmeju ovac po(l) stola ričinih. Tako budući ta skopac primišal k ovcam Vepe Marice, budući nigdi peljal sin re čenoga Ivan jednoga skopča i budući rekal Franko, da je njegov, a žena rečenoga Ivana reče, da ne daj bog, tako spitasmo sina rečene Marice, ki je videl, kada je ta skopac peljan, tako reče, da je Frankov lisast, a on malo kolokast, tako oslobojujemo rečenoga Ivana, ako ne bi Franko još ke pravice bolje prnesal. I to odlučismo sakim boljim putem i pravicu. U Veprincu 7. kolovoza 1590. II. 14. Sud veprinački odsudjuje Jurja Brajkoviča, koji je bio poruk za dug Ivana Brajkoviča Franku Tananaju, da plati dug i troškove. U dan 7. agusta 1590. prituži se Franko Tananaj, budući prisai Ivan Brajković z Brgudca k Franku Tananaju, da mu posudi libar 10 na vunu i Franko reče, da ne će, ako mu ne će bit poruk Juraj Braj ković. Ki rečeni Juraj reče, da oće, kako obnajdosmo po ljudih, ki su
